దిల్‌ సుఖ్‌ నగర్‌లో తొలి మల్టీప్లెక్స్ 'మిరాజ్ సినిమాస్'(ఫోటోస్)

By Bojja Kumar

Published: Saturday, January 30, 2016, 16:40 [IST]

హైదరాబాద్: మెట్రోనగరాల్లో మల్టీప్లెక్స్ సంస్కృతీ రోజురోజుకీ పెరిగిపోతోంది. ఈ ఒరవడిలో తాజాగా రూపుదిద్దుకొన్న మల్టీప్లెక్స్ 'మిరాజ్ సినిమాస్'. దిల్ సుఖ్ నగర్, కొత్తపేటలో నిర్మించబడిన ఈ మల్టీప్లెక్స్ లో నాలుగు స్క్రీన్స్ లు ఏర్పాటు చేయబడ్డాయి. 'స్టేట్ ఆఫ్ ఆర్ట్' ఎమినిటీస్ తో సాంకేతికపరంగా అత్యుత్తమ ప్రామాణికాలతో ఈ మల్టీప్లెక్స్ ను డిజైన్ చేసారు.

2K ప్రొజెక్షన్ మొదలుకొని 3D, డాల్బీ ఎట్మోస్ వంటి లేటెస్ట్ టెక్నాలజీతో రూపొందిన ఈ థియేటర్ ప్రారంభోత్సవం శుక్రవారం జరిగింది. ప్రస్తుతం హైదరాబాద్ లో ఉన్న మల్టీప్లెక్స్ థియేటర్లకు ఏమాత్రం తగ్గని విధంగా 'మిరాజ్ సినిమాస్'ను తీర్చిదిద్దామని మేనేజ్ మెంట్ చెబుతోంది!

ఆర్టీసీ క్రాస్ రోడ్స్ తర్వాత....సినిమా హబ్ గా పేరొందిన ప్రాంతా దిల్ సుఖ్ నగర్. ఇప్పటికే ఈ ప్రాంతంలో దాదాపు 10 థియేటర్లు ఉన్నాయి. అయితే ఇంతకు ముందు ఇక్కడ ఉన్న శాలిని, శివాని థియేటర్లను ‘మిరాజ్ సినిమాస్' వారు మల్టీ ప్లెక్స్ గా మార్పులు చేసారు. మల్టీ ప్లెక్ అయినప్పటికి టికెట్లు అందుబాటులో (రూ. 75) ఉండటంపై దిల్ సుఖ్ నగర్ వాసులు ఆనందం వ్యక్తం చేస్తున్నారు. అందుకు సంబంధించిన ఫోటోలు స్లైడ్ షోలో...