Don't Miss!
- News గంటాకు సీటు ఖరారు - టీడీపీ తుది జాబితా విడుదల, లిస్టులో..!!
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Finance ICICI: ఐసీఐసీఐ బ్యాంక్ డివిడెండ్ ప్రకటిస్తుందా..!
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Sports RCB vs KKR: 500 టీ20 మ్యాచ్ ఆడబోతున్న ఐపీఎల్ స్టార్.. మ్యాన్ ఆఫ్ మెయిడెన్ ఓవర్స్
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
ప్రభాస్ ‘మిర్చి’ ఆడియో రిలీజ్ వాయిదా
హైదరాబాద్: యంగ్ రెబల్ స్టార్ ప్రభాస్ నటిస్తున్న 'మిర్చి' ఆడియో విడుదల మరోసారి వాయిదా పడింది. గతంలో ఈ చిత్రం ఆడియో డిసెంబర్ 23న విడుదల చేయాలని అనుకున్నారు. కానీ అనుకోని కారణాలతో ఆడియో విడుదల కార్యక్రమాన్ని జనవరి 5కు వాయిదా వేసారు.
హైదరాబాద్ నానక్ రామ్ గూడలోని రామానాయుడు స్టూడియోలో ఆడియో రిలీజ్ కార్యక్రమాన్ని గ్రాండ్ గా రిలీజ్ చేసేందుకు ఏర్పాట్లు చేస్తున్నారు. ఇటీవల ఇదే వేదికపై 'సీతమ్మ వాకిట్లో సిరిమల్లె చెట్టు', 'నాయక్' చిత్రాలు ఆడియో ఫంక్షన్ జరుపుకుంది. దీంతో భారీ ఫ్యాన్ ఫోలోయింగ్ ఉన్న హీరోలంతా ఇదే వేదికపై తమ సినిమా ఫంక్షన్లు నిర్వహించడానికి ఆసక్తి చూపుతున్నారు.
సినిమా విశేషాల్లోకి వెళితే... సినిమా దాదాపుగా పూర్తయింది. ఇటీవలే ముఖ్య తారాగణంపై బ్యాంకాక్ లో పలు సీన్లు చిత్రీకరించారు. ఈ చిత్రంలో ప్రభాస్ అనుష్క, రీచా గంగోపాధ్యాయ్ లతో రొమాన్స్ చేస్తున్నాడు. కాగా... ఆడియో ఫంక్షన్ ఎంట్రీ పాసులు దక్కించుకునేందకు ప్రభాస్ ఫ్యాన్స్ ఇప్పటి నుంచే ప్రయత్నాలు మొదలు పెట్టారు. ఈ మేరకు ఇప్పటికే రాష్ట్రవ్యాప్తంగా ఉన్న ప్రభాస్ అభిమాన సంఘాలు తమ తమ ప్రయత్నాలు మొదలు పెట్టాయి.
ప్రభాస్ గత చిత్రం 'రెబల్' చిత్రం ఆశించిన ఫలితాలు ఇవ్వక పోవడంతో ఇటు ప్రభాష్ తో పాటు అటు అభిమానులు కూడా మిర్చి చిత్రంపై భారీ అంచనాలు పెట్టుకున్నారు. ఈ చిత్రం తప్పకుండా అన్ని వర్గాల ప్రేక్షకులను అలరిస్తుందనే నమ్మకంతో ఉన్నారు. ఈ చిత్రంతో రచయిత కొరటాల శివ దర్శకుడిగా పరిచయమవుతున్నారు. వి.వంశీకృష్ణ, ప్రమోద్ ఉప్పలపాటి నిర్మాతలు. యు.వి.ప్రొడక్షన్స్ సంస్థ నిర్మిస్తున్న ఈ చిత్రంలో ప్రభాస్ అభిమానులు కోరుకునే అన్ని కమర్షియల్ అంశాలతో ఈ చిత్రాన్ని రూపొందిస్తున్నారు.