'మిర్రర్' - మరో మూకీ మూవీ

By Staff

Published: Thursday, March 12, 2026, 13:08 [IST]

మూకీ సినిమా 'ఫుష్పక విమానం' రిలీజైన దాదాపు 21 యేళ్ళతర్వాత ఇప్పుడు 'మిర్రర్' పేరుతో మరో మూకీ సినిమా రెడీ అవుతోంది. కన్నడంలో రూపొందుతున్న ఈ సినిమాకు మాస్ట్రో ఇళయరాజా సంగీతాన్ని అందిస్తున్నారు. జర్నలిస్టు నుండి దర్శకుడుగా మారిన మంజునాధ్ బాబు ఈ చిత్రాన్ని రూపొందిస్తున్నాడు. అలాగే ఈ చిత్ర మరో ప్రత్యేకత మళయాళంలో పేరున్న అజయ్ కుమార్ నటించటం. ఇక ఈ సినిమా కామెడీ కోసమో, రాజకీయ ప్రచార చిత్రం గాక పూర్తిగా సామాజికాంశాలతో ఎవేర్ నెస్ ఫిలింగా నిర్మిస్తున్నారు.

ఇందులో కథ వికలాంగుల ఆశలు, నిరాశలు, కలలు చుట్టూ తిర్గుతుందిట. వారి జీవితాల్లో సైలన్స్ అనేది యే రకంగా ప్రధాన పాత్ర వహిస్తుందనేది ముఖ్యాంశంట. అందుకే ఈ చిత్రాన్ని మూకీ గా చెయ్యటానికి డిసైడ్ చేసుకున్నారుట. ఈ సినిమా కేరళ,మైసూరు,బెంగుళూరు,రామనగర పరిశర ప్రాంతాలలో షూటింగ్ జరుపుపుకొంటోంది. ఈ చిత్రంలో చేతులు లేని ఓ పొడవైన ( 7 feet 9 inches) ఓ మైసూరు వాసి ప్రధాన పాత్రలో కనపడనున్నాడు. ఇక మన తెలుగులో ఇప్పుడు సి.సి.రెడ్డి గారు ముఖ్యమంత్రి రాజశేఖర రెడ్డి చుట్టూ తిరగే కథతో బ్రహ్మానందం ప్రధాన పాత్రలో ఓ మూకీ సినిమా రూపొందిస్తున్న సంగతి తెలిసిందే. బ్రహ్మానందం ఓ గిరజన వాసి గా కనపడే ఈ చిత్రం ప్రభుత్వ ప్రచార చిత్రంలా ఉంటుందంటున్నారు.

More from Filmibeat