twitter
    For Quick Alerts
    ALLOW NOTIFICATIONS  
    For Daily Alerts

    వేలాది జనం మధ్య బాలయ్య కేక

    By Srikanya
    |

    రాజకీయ నేపథ్యంలో (కర్నూల్‌) వేలాది జనాల మధ్య బాలయ్యతో చేసిన ఓ పాట హైలైట్‌ అంటున్నారు ఎం.ఎల్‌.కుమార్‌చౌదరి.బాలకృష్ణ హీరోగా పరుచూరి మురళి దర్శకత్వంలో శ్రీ కీర్తికంబైన్స్‌ పతాకంపై తెరకెక్కుతున్న సినిమా శరవేగంగా చిత్రీకరణ జరుపుకుంటోంది. ఈ నెల 20న యూరప్‌ వెళుతున్న సందర్భంగా నిర్మాత ఎం.ఎల్‌.కుమార్‌చౌదరి మాట్లాడుతూ ''ప్రస్తుతం కర్నూలులో చిత్రీకరణ సాగుతోంది. ఈ షూటింగ్‌తో.. 2పాటలు, 4రోజుల టాకీ మినహా సినిమా పూర్తవుతుంది. బాలయ్య స్థాయికి తగ్గని రీతిలో భారీ బడ్జెట్‌తో నిర్మిస్తున్నాం. హీరో 3 వైవిధ్యమైన పాత్రల్లో నటిస్తున్నారు. పాత్రలు మారేప్పుడు..ఆశ్చర్యకర రీతిలో నటనా వ్యత్యాసం చూపిస్తున్నారు. దర్శకుడు మురళి మా సంస్థకు 3హిట్‌లు ఇచ్చారు. తన ప్రతిభ సహా కళ్యాణి మాలిక్‌ సంగీతం అలరిస్తుంది. రాజకీయ నేపథ్యంలో (కర్నూల్‌) వేలాది జనాల మధ్య బాలయ్యతో చేసిన ఓ పాట హైలైట్‌. యాక్షన్‌, సెంటిమెంట్‌, కుటుంబ డ్రామా, కామెడీ..ఇలా అన్ని అంశాలతో తెరకెక్కుతోంది"" అన్నారు.

    మరో ప్రక్క దర్శకుడు పరుచూరి మురళి... “ ప్రజలకు సేవ చేసే నిజమైన నేత, వారి కష్ట సుఖాలలో పాలు పంచుకునే నేత ఎలా ఉండాలో అధినాయకుడు చూపిస్తుందని చెప్పిన మాటలు కూడా మరింత ఆసక్తి పెంచుతున్నాయి. ఈ సినిమాలో సీనియర్ ఎన్టీఆర్ రాజకీయ విశేషాలు కూడా కలగలిసి ఉండవచ్చని పిల్మ్ నగర్ టాక్. ఇక ఈ సినిమాలో బాలయ్య సరసన హీరోయిన్లుగా సలోని, లక్ష్మి రాయ్ నటిస్తున్నారు. ఈ సినిమాని కీర్తి కంబైన్స్ పతాకం పై ఎం.ఎల్ కుమార్ చౌదరి నిర్మిస్తున్నారు. ఈ అధినాయకుడు శ్రీరామరాజ్యం విడుదల అయిన రెండు నెలల గ్యాప్ లోనే విడుదల కానుంది. ఇప్పటికే ఈ సినిమా చాలా వరకు షూటింగ్ పూర్తి అయ్యింది. అంటే శ్రీరామరాజ్యం రిలీజ్ కాకముందే అధినాయకుడు సినిమా షూటింగ్ కంప్లీట్ అయ్యి విడుదలకు ముస్తాబు అవుతుంది. లక్ష్మీరాయ్‌, సలోని కథానాయికలుగా నటిస్తున్న ఈ చిత్రంలో జయసుధ, కోట శ్రీనివాసరావు, బ్రహ్మానందం, చరణ్‌రాజ్‌, ఎమ్మెస్‌ నారాయణ, వేణుమాధవ్‌, ఆదిత్యమీనన్‌ ఇతర ముఖ్యపాత్రలు పోషిస్తున్నారు. సంగీతం: కళ్యాణిమాలిక్‌, కెమెరా: జయ్‌.సి.కుమార్‌, ఎడిటింగ్‌: కోటగిరి వెంకటేశ్వరరావు, సమర్పణ: సందీప్‌.

    English summary
    Balakrishna, Parachuri Murali upcoming film tentatively titled as Adhinayakudu(Mahadeva Naidu) wrapped up a schedule in Hyderabad and is gearing up for the next schedule in Kurnool.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X