ఎమ్మెల్యేలపై వర్మ సెటైర్లు... మా రక్తం మరుగుతోందంటున్న ఫ్యాన్స్

ఎమ్మెల్యేల తీరుపై వర్మ అసంతృప్తి

ఏపీ అసెంబ్లీ సమావేశాలు నడుస్తున్న తీరుపై వర్మ అసంతృప్తిగా ఉన్నట్లు రామ్ గోపాల్ వర్మ తాజా ట్వీట్స్ బట్టి తెలుస్తోంది. ఎమ్మెల్యేలు స్కూలు పిల్లల్లా వ్యవహరిస్తున్నారని, వారిని కంట్రోల్ చేయడానికి స్పీకర్ బెల్ మ్రోగిస్తున్నారని వర్మ ట్వీట్ చేశారు.

మీటింగ్స్ పెట్టింది అరుచుకోవడానికేనా?

అసెంబ్లీ సమావేశాలు జరిగేది పాత ఇష్యూలపై ఒకరిపై ఒకరు అరుచుకోవడాని, ఒకరినొకరు బ్లేమ్ చేసుకోవడానికి, నిందలు వేసుకోవడానికా?..... లేక ప్రస్తుత సమస్యలు, భవిష్యత్ గురించి చర్చించడానికా? అంటూ రామ్ గోపాల్ వర్మ ప్రశ్నించారు.

మాకు రక్తం మరుగుతుంది అధ్యక్షా

వర్మ చేసిన ఈ ట్వీట్ మీద ఫ్యాన్స్ రకరకాలుగా స్పందించారు. ‘‘వర్మ గారు అలా అడిగితే ఎలా మాకు రక్తం మరుగుతుంది అధ్యక్షా'' అంటూ ఓ వ్యక్తి కామెంట్ పెట్టగా, దానికి మరొరు స్పందిస్తూ ‘‘భయ్యా, ఇందులో రక్తం మరిగే అంత విషయం ఏమి ఉంది, మన అసెంబ్లీ సమావేశాలు అలాగే ఉంటాయని చెపుతున్నాడు. గొడవలు లేకుండా అసెంబ్లీ ఉండటం నేను చూడలేదు.'' అని కామెంట్ పెట్టారు.

వర్మగారూ.. ఇలా చేయడమే రైట్

‘‘రామ్ గోపాల్ గారు, మొదటి అసెంబ్లీ‌ సమావేశాల్లో గత ప్రభుత్వాలను ఎండగడుతూ వారు చేసిన అక్రమాలు వెల్లడించిన పిదప ప్రస్తుత ప్రభుత్వం ఏమి చేయబోతుందో తెలియజేస్తారు, ఆలా చేయకపోతే గత ప్రభుత్వ అక్రమాలు ప్రజలకు తెలియవు. ప్రస్తుతం జరుగుతున్న సభ సక్రమార్గంలోనే నడుస్తుంది.'' అని మరికొందరు తమ అభిప్రాయం వెల్లడించారు.