Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
షాక్: తన ఆస్తి మొత్తాన్ని దానం చేసిన సీనియర్ స్టార్!
హైదరాబాద్: సినిమా రంగంలో ఉన్న స్టార్స్ కోట్లు సంపాదించడం అనేది ఈ రోజులు సర్వసాధారణమైన విషయమే. తాము సంపాదించిన దాంట్లో ఎంతో కొంత సేవ కార్యక్రమాలకు వినియోగించడం లాంటివి కూడా చేస్తున్నారు. వీరు చేస్తున్న దాంట్లో సేవా భావంతో పాటు.... ఇలాంటి కార్యక్రమాల ద్వారా పబ్లిసిటీ పెంచుకోవాలనే స్వార్థం కూడా ఉంటుందనేది ఎవరూ కాదనలేని నిజం.
అయితే తాజాగా ఓ సినీ స్టార్ ఏకంగా తన ఆస్తి మొత్తాన్ని దానం చేసాడు. పద్మభూషన్ అవార్డు గ్రహీత, బాలీవుడ్ లెజెండరీ సంగీత దర్శకుల్లో ఒకరైన మహ్మద్ జహూర్ ఖయ్యమ్ హష్మీ తాజాగా తన ఆస్తి మొత్తాన్ని జూనియర్ ఆర్టిస్టుల సంఘానికి దానం చేసారు. ఆయన తీసుకున్న ఈ నిర్ణయం చూసి పలువురు ఆశ్చర్యం వ్యక్తం చేస్తున్నారు.
మహ్మద్ జహూర్ ఖయ్యమ్ హష్మీ కూడా సినిమా రంగంలో అడుగు పెట్టిన తొలి నాళ్లలో ఎన్నో కష్టాలు పడ్డ వారే. అంచెలంచెలుగా తన టాలెంటుతో ఇండస్ట్రీలో మంచి గుర్తింపు తెచ్చుకున్నారు. పలు బాలీవుడ్ సినిమాలకు మధురమైన సంగీతాన్ని అందించారు. తనలాగే సినిమా రంగంలో అడుగు పెట్టి కష్టాలు పడుతున్న జూనియర్ ఆర్టిస్టులకు చేయూతనివ్వాలనే ఉద్దేశ్యంతో ఆయన ఈ నిర్ణయం తీసుకున్నారు.
తన ఆస్తి మొత్తాన్ని జూనియర్ ఆర్టిస్టుల సేవా సంఘానికి రాసిస్తున్నట్లు ప్రకటించారు. ఖయ్యమ్ ఆస్తి విలువ దాదాపు 10 కోట్లకు పైగానే ఉంటుందని అంచనా. చిత్ర పరిశ్రమలో ఉన్నత స్థాయికి రావాలనే కాంక్షతో పొట్ట చేత్తో పట్టుకుని వచ్చే కళాకారులకు అండగా నిలవాలన్న ఆయన నిర్ణయంపై సర్వత్రా హర్షం వ్యక్తం అవుతోంది.