ఐరేంద్రిగా లక్ష్మీ అదరగొట్టిందంటూ సలామ్ కొట్టిన కలెక్షన్ కింగ్...

By Sindhu

Published: Saturday, January 15, 2011, 14:37 [IST]

'అనగనగా ఓ ధీరుడు" చిత్రంతో నటిగా పరిచయమవుతున్న మోహన్ బాబు పుత్రికా రత్నం మంచు లక్ష్మి ఇందులో రాక్షస రాణి పాత్రలో నటించింది. మొదటి సినిమాలో విలన్ గా నటించినా కానీ ఇకపై హీరోయిన్ గా నటించడానికే ప్రాధాన్యమిస్తానని లక్ష్మీ అంటోంది. కాగా లక్ష్మీ ప్రసన్న తండ్రీ కలెక్షన్ కింగ్ మోహన్ బాబు తనయ లక్ష్మీ ప్రసన్న బుల్లి తెరపై చేసిన టాక్ షోకి మంచి స్పందన లభించింది. అలాగే ఇటీవల విడుదలైన 'అనగనగా ఓ ధీరుడు" లో ఐరేంద్రిగా లక్ష్మీప్రసన్న చేసిన పాత్రకు మంచి స్పందన లభిస్తోంది.

ఈ చిత్రం ప్రీమియర్ షోను సినీమాక్స్ లో పలువురు చిత్రరంగ ప్రముఖులు వీక్షించారు. వారిలో మోహన్ బాబు కూడా ఉన్నారు. సినిమా చూసి థియేటర్ నుంచి బయటికి వచ్చిన అనంతరం తన కుమార్తె లక్ష్మీప్రసన్నను చూసి మోహన్ బాబు సలామ్ కొట్టాడు. తనయ నటనకు ముగ్ధుడయ్యానని మోహన్ బాబు సలామ్ ద్వారా తెలియజేసాడు.

More from Filmibeat