Don't Miss!
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
శోకసంద్రంలో టాలీవుడ్.. కన్నీటి పర్యంతమైన బ్రహ్మానందం..స్పందించిన బాలయ్య, మోహన్ బాబు
Recommended Video
గుండు హనుమంత రావు మృతితో టాలీవుడ్ చిత్ర పరిశ్రమ శోకసంద్రంలో మునిగిపోయింది. 400 పైగా చిత్రాల్లో నటించిన హనుమంతరావు టాలీవుడ్ లో అనేకమంది ప్రముఖులతో స్నేహం చేసారు. ప్రముఖులంతా తరలివచ్చి ఆయన భౌతిక ఖాయానికి నివాళులు అర్పిస్తున్నారు. గత కొంత కాలంగా కిడ్నీ సంబంధింత వ్యాధితో బాధపడుతున్న హనుమంత రావు సోమవారం తెల్లవారు జామున 3:30 గంటలకు తుది శ్వాస విడిచారు. బ్రహ్మానందం, శివాజీ రాజా, గౌతమ్ రాజు, మోహన్ బాబు, బాలయ్య వంటి ప్రముఖులంతా హనుమంత రావు మృతికి సంతాపం తెలియజేసారు.
బావ అని పిలిచేవాడు..కన్నీటి పర్యంతమైన బ్రహ్మానందం
ప్రముఖ హాస్య నటుడు బ్రహ్మానందం గుండు హనుమంత రావు భౌతిక కాయానికి నివాళులు అర్పించారు. అనంతరం బ్రహ్మానందం.. హనుమంత రావుతో ఉన్న అనుబంధాన్ని గుర్తు చేసుకుని కన్నీరు కార్చారు. హనుమంత రావు ఇటీవల తన నివాసానికి వచ్చారని, అలాంటి వ్యక్తి ఇప్పుడు లేరంటే నమ్మలేకపోతున్నానని అన్నారు. హనుమంతరావు తనని ఆప్యాయంగా బావ అని పిలిచేవారని బ్రహ్మానందం గుర్తు చేసుకున్నారు.
ఇద్దరికీ ఆ చిత్రంతో గుర్తింపు
తామిద్దరం అహనా పెళ్ళంట చిత్రంలో నటించామని బ్రహ్మానందం తెలిపారు.ఆ చిత్రం ద్వారానే తామిద్దరికి మంచి గుర్తింపు లభించినట్లు బ్రహ్మి గుర్తుచేసుకున్నారు.
స్నేహితుడు లేడన్న దుఃఖంలో
గుండు హనుమంతరావుకు కమెడియన్ గౌతమ్ రాజు మంచి స్నేహితుడు. హనుమంత రావు మరణించాడనే వార్త తెలియగానే ఆయన దిగ్బ్రాంతి వ్యక్తం చేసారు. ఉబికి వస్తున్న కన్నీటిని ఆయన ఆపుకోలేక పోయారు.
సహచర నటులంతా
హనుమంత రావుతో కలసి నటించిన సహచర నటులంతా ఆయన భౌతిక కాయానికిని నివాళులు అర్పించారు. శివాజీ రాజా, కాదంబరి కిరణ్, రాజేంద్ర ప్రసాద్ మరియు మురళి మోహన్ వంటి ప్రముఖులు హనుమంత రావు మృతి పట్ల సంతాపం తెలియజేసారు.
మోహన్ బాబు స్పందన
హనుమంత రావు మృతి పట్ల మోహన్ బాబు తన స్పందన తెలియజేసారు. హనుమంతరావు మంచి నటుడే కాదు.. అంతకుమించిన మంచి వ్యక్తి కూడా అని మోహన్ బాబు అన్నారు. లక్ష్మి ప్రసన్న పిక్చర్స్ బ్యానర్ లో వచ్చిన పలు చిత్రాల్లో హనుమంతరావు నటించారని మోహన్ బాబు గుర్తు చేసుకున్నారు. ఎలాంటి పాత్రనైనా సమర్ధవంతగా పోషించినగల నటుడు హనుమంత రావు. అలాంటి వ్యక్తి ఇప్పుడు లేరంటే నమ్మలేకున్నానని మోహన్ బాబు అన్నారు.
తీరని లోటన్న బాలయ్య
తెలుగు ప్రేక్షకులందరికి తన హాస్యాన్ని పంచిన నటుడు హనుమంతరావు మరణం చిత్ర పరిశ్రమకు తీరని లోటు అని బాలకృష్ణ అన్నారు. హనుమంత రావుతో కలసి తాను కొన్ని చిత్రాల్లో నటించానని ఆయన మృదు స్వభావి అని బాలయ్య తెలిపారు. ఆయన ఆత్మకు శాంతి కలిగి, కుటుంబానికి మనో ధైర్యాన్ని ప్రసాదించాలని దేవుడిని ప్రార్థిస్తున్నట్లు బాలయ్య తెలిపారు.