For Quick Alerts
    ALLOW NOTIFICATIONS  
    For Daily Alerts

    మోహన్ బాబు సవాల్

    By Staff
    |

    Mohan Babu
    కొన్ని రాజకీయ పార్టీల నేతలు అధికారం కోసం తీర్చలేని వాగ్ధానాలు చేస్తున్నారని నటుడు మోహన్ బాబు విమర్శించారు. ఆయన నటిస్తున్న రాజు-మహారాజు సెట్ లో మోహన్ బాబు మీడియాతో మాట్లాడారు. కొందరు రాజకీయనాయకులు అధికారాన్ని కోరుకుంటూ తీర్చలేని వాగ్ధానాలు చేస్తున్నారు. వాగ్ధానాలతో ప్రజలను సోమరులను చేసే పనిలో ఉన్నారు అని మోహన్ బాబు చెప్పారు. అదుపు లేకుండా వాగ్ధానాలు చేసే వాకరు వాటిని నెరవేరుస్తామని కాణిపాకం వినాయిక, షిర్డి సాయిబాబా దేవాలయాల్లో ప్రమాణం చేయగలరా అని సవాల్ విసిరారు. ఇంతకీ ఆయన ఎవరిని ఉద్దేశించి అన్నారా అని అంతా ఆలోచనల్లో పడ్డారు.

    ఇక 'రాజు మహారాజు' చిత్రంలో ఎం.మోహన్ బాబు, శర్వానంద్ కలిసి నటిస్తున్నారు. సుర్విన్ చావ్లా, తషు కౌశిక హీరోయిన్లు. మోహన్ బాబుకు జంటగా రమ్యకృష్ణ నటిస్తున్నారు. భానుశంకర్ దర్శకత్వంలో పత్తికొండ కుమార స్వామి నిర్మిస్తున్న ఈ చిత్రం షూటింగ్ బుధవారంతో పూర్తయింది. ఈ సినిమా గురించి మోహన్ బాబు మాట్లాడుతూ చాలామంది నిర్మాతలు చెప్పేదొకటి, చేసేది ఇంకొకటి అన్నట్టుగా ఉంటారనీ, అయితే కుమారస్వామి చెప్పిన విధంగానే సినిమాను తీర్చిదిద్దడం ముచ్చట గొలుపుతోందనీ ప్రశంసించారు. శర్వానంద్ కు అన్నయ్యగా ఓ మంచి పాత్రను ఇందులో పోషిస్తున్నట్టు చెప్పారు.

    కథ నచ్చి సినిమా తీసిన్టటు నిర్మాత కుమారస్వామి తెలిపారు. రమ్యకృష్ణ మాట్లాడుతూ, తాను, మోహన్ బాబు కలిసి ఎన్నో సక్సెస్ ఫుల్ చిత్రాల్లో నటించామనీ, మళ్లీ కలిసి నటిస్తున్న ఈ చిత్రం కూడా మంచి విజయం సాధిస్తుందనే నమ్మకముందనీ అన్నారు. మోహన్ బాబుతో కలిసి నటించడం వల్ల ఎన్నో కొత్త విషయాలు తెలుసుకోగలిగానని శర్వానంద్ పేర్కొన్నారు. పోస్ట్ ప్రొడక్షన్ కార్యక్రమాలు పూర్తిచేసి మేలో సినిమా విడుదల చేస్తామని చెప్పారు.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X