Don't Miss!
- Sports T20 World Cup: ఆ కుర్రాడికి టికెట్ కన్ఫార్మ్- సెహ్వాగ్
- Finance Railway News: రైలు ప్రయాణికులకు శుభవార్త..! టికెట్ క్యాన్సిలేషన్ ఛార్జీలు తగ్గింపు..
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- News Ys Jagan Attack case: జగన్ పై రాయి దాడి కేసులో మరో కీలక పరిణామం..!
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
- Technology మే 7 న Apple 'Let Loose' ఈవెంట్! ఏ యే గాడ్జెట్లు లాంచ్ కాబోతున్నాయి? వివరాలు
- Automobiles 'కావ్య మారన్' ఖరీదైన కార్లు ఇవే! ఇక్కడ చూడండి
శభాష్ ...మోహన్ బాబు : చరిత్ర నిన్ను మరవదు
హైదరాబాద్ : మోహన్ బాబు ఏం చేసినా అది గ్రాండ్ గా ఉంటుంది. తాజాగా ఆయన ఓ నిర్ణయం తీసుకున్నారు. తెలుగు సినిమా పుట్టుపూర్వోత్తరాలు, సాధించిన ప్రగతి, అందుకొన్న మైలురాళ్లూ, వెన్నుదన్నుగా నిలిచిన దర్శక నిర్మాతలు, నటీనటులు, సాంకేతిక నిపుణులు... ఈ నేపథ్యంలో ఓ డాక్యుమెంటరీ రూపొందించేందుకు సమాయాత్తం అవుతున్నారాయన.
ఇందు నిమిత్రం ఆరు కోట్లు ఖర్చు పెడుతున్నట్లు సమాచారం. దాంతో తెలుగు సిని అభిమానులంతా మోహన్ బాబు ని మెచ్చుకుంటున్నారు. మిగతా ఏ హీరో చేయని ఆలోచనను,పనిని ఆయన చేస్తున్నందుకు అభినందనలు తెలియచేస్తున్నారు.
భారతీయ చలన చిత్ర పరిశ్రమ వందేళ్ల పండుగ చేసుకొంటోంది. అందులో తెలుగు సినిమా వాటా ఎనభై మూడేళ్లు. దేశం గర్వించే నటీనటులు, సాంకేతిక నిపుణులనూ తెలుగు సినిమా అందించింది. సినీ జగత్తు మురిసిపోయే సినిమాల్ని రూపొందించింది. ఈ చరిత్రని నిక్షిప్తం చేసే ప్రయత్నం చేస్తున్నారు.
ఈ విషయం గురించి విష్ణు మాట్లాడుతూ ''తెలుగు సినిమా ఎంతో సాధించింది. ఈ పురోగతి భావి తరాలకు ఆదర్శం. 'తెలుగు సినిమా చరిత్ర అందరికీ తెలియాలి. అందుకోసం మనం ఏమైనా చేయాలి..' అని నాన్న నాతో చెప్పారు. ఆయన కోసం చేస్తున్న చిరు ప్రయత్నం ఇది. పెద్దలు దాసరి నారాయణరావు, రాఘవేంద్రరావు, డి.రామానాయుడు మొదలైన వాళ్లందరి సలహాలూ సూచనలతో ఈ డాక్యుమెంటరీ రూపొందిస్తాం. వీటికి సంబంధించిన కసరత్తులు మొదలుపెట్టాము''అన్నారు.