Don't Miss!
- Sports IPL 2024: అందుకే పృథ్వీ షా ఆడటం లేదు: సౌరవ్ గంగూలీ
- News ఐటీ హబ్ శివార్లలో 647 ఎకరాల్లో ఇండస్ట్రియల్ పార్క్, సీఎం సంచలన నిర్ణయం?
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రూ. 600 కోట్ల బడ్జెట్: సూపర్స్టార్ లుక్ చూస్తే షాకే....(మోషన్ పోస్టర్)
మోహన్ లాల్ హీరోగా ‘ఓడియన్’ అనే సినిమా రాబోతోంది. ఈ చిత్రంలో మోహన్ లాల్ యువకుడిగా కనిపించబోతున్నారు.
మలయాళ సూపర్ స్టార్ మోహన్ లాల్కు సౌత్లో మంచి ఫాలోయింగ్ ఉంది. తెలుగులో 'జనతా గ్యారేజ్' తర్వాత ఆయన సినిమాలకు ఇక్కడ కూడా మంచి మార్కెట్ ఏర్పడింది. అందుకే మన్యంపులి, కనుపాప ఇక్కడ మంచి విజయమే నమోదు చేశాయి.
త్వరలో మోహన్ లాల్ 'ఓడియన్' అనే మలయాళ చిత్రం ద్వారా ప్రేక్షకుల ముందకు రాబోతున్నారు. సోమవారం చిత్రానికి సంబంధించిన ఫస్ట్ లుక్ పోస్టర్ విడుదల చేశారు. ఈ పోస్టర్లో మోహన్ లాల్ లుక్ చూసిన వారంతా షాకవుతున్నారు. ఇక ఆయన అభిమానులైతే ఆయన లుక్ కిరాక్గా ఉందంటూ ప్రశంసిస్తున్నారు.
60 ఏళ్ల సూపర్ స్టార్ యువకుడిలా...
ప్రస్తుతం మోహన్ లాల్ వయసు 57 సంవత్సరాలు. ఈ మధ్య కాలంలో ఆయన చేసిన సినిమాలన్నీ వయసుకు తగిన విధంగానే ఉన్నాయి. అయితే ఈ చిత్రంలోని ఓ పాత్రలో మోహన్ లాల్ యువకుడిలా కనిపించబోతున్నారని తెలుస్తోంది. అందుకు తగిన విధంగానే ఆయన్ను సూపర్బ్గా మేకోవర్ చేశారు.
|
పీటర్ హెయిన్స్
మోహన్ లాల్ నటించిన ‘మన్యంపులి' చిత్రానికి అద్బుతమైన స్టంట్స్ కంపోజ్ చేసిన పీటర్ హెయిన్స్ ‘ఓడియన్' చిత్రానికి కూడా పని చేస్తున్నారు. ఆయన తన ట్విట్టర్ పేజీ ద్వారా ఈ చిత్రం మోషన్ పోస్టర్ రిలీజ్ చేశారు.
శ్రీకుమార్ దర్శకత్వం
‘ఓడియన్' చిత్రానికి విఎ శ్రీకుమార్ దర్శకత్వం వహిస్తున్నారు. ఈ చిత్రంలో మోహన్ లాల్ ఓడియన్ మానిక్యన్ అనే పాత్రలో కనిపించబోతున్నట్లు తెలుస్తోంది.
రూ. 600 కోట్ల బడ్జెట్
‘ఓడియన్' చిత్రాన్ని రూ. 600 బడ్జెట్తో ఆంటోనీ పెరంబవూర్ నిర్మిస్తున్నారు. ఇదో ఫాంటసీ సబ్జెక్టుతో తెరకెక్కుతోందని తెలుస్తోంది. ఇండియాలో ఇప్పటి వరకు ఏ చిత్రానికి ఇంత పెద్ద బడ్జెట్ ఖర్చు పెట్టలేదు. మళయాలంతో పాటు తెలుగు, తమిళం, హిందీ భాషల్లో ఈ చిత్రం విడుదల చేస్తారని తెలుస్తోంది. ఇంత బడ్జెట్ తో సినిమా అంటే ఏ స్థాయిలో ఉంటుందో?
రూ. 1000 కోట్ల మహాభారతం ఇప్పుడు లేనట్లేనా?
విఎ శ్రీకుమార్ కొన్ని రోజుల క్రితం రూ. 1000 కోట్ల బడ్జెట్తో మోహన్ లాల్ హీరోగా ‘మహాభారతం' సినిమాను తెరకెక్కిస్తున్నట్లు ప్రకటన చేసిన సంగతి తెలిసిందే. మధ్యలో ‘ఓడియన్' ప్రాజెక్టు మొదలు పెట్టడంతో ‘మహాభారతం' మరింత ఆలస్యం కావడం ఖాయంగా కనిపిస్తోంది.