గుడ్ న్యూస్: నందమూరి మోక్షజ్ఞ ఎంట్రీ ఎప్పుడో ఫిక్స్ చేసారు

హైదరాబాద్: ప్రముఖ నటుడు బాలకృష్ణ తనయుడు మోక్షజ్ఞ త్వరలో హీరోగా రంగ ప్రవేశం చేయబోతున్న సంగతి తెలిసిందే. ప్రస్తుతం మోక్షజ్ఞ ఓ వైపు చదువు కొనసాగిస్తూనే, మరో వైపు సినీ రంగ ప్రవేశానికి కావాల్సిన నటన, డాన్స్, ఫైట్స్ లాంటి విద్యల్లో ట్రైనింగ్ తీసుకుంటున్నాడు.

తాజాగా అందుతున్న సమాచారం ప్రకారం....మోక్షజ్ఞ ఎంట్రీ ఎప్పుడనేది ఫిక్సయినట్లు తెలుస్తోంది. ఓ ప్రముఖ దిన పత్రిలో వచ్చిన వార్తల ప్రకారం.... బాలయ్య 100వ సినిమా పూర్తయిన తర్వాత 2016లో మోక్షజ్ఞ ఎంట్రీ ఉంటుందని అంటున్నారు. బాలయ్య కూడా పలు సందర్భాల్లో మోక్షజ్ఞ ఎంట్రీ త్వరలోనే ఉంటుందని చెప్పుకొచ్చారు.

మోక్షజ్ఞను హీరోగా నిలబెట్టడానికి బాలయ్య తెర వెనక ప్రయత్నాలు మొదలు పెట్టినట్లు తెలుస్తోంది. ఇప్పటికే కొన్ని కథలు కూడా విన్నట్లు తెలుస్తోంది. బాలయ్యతో ‘లెజెండ్' చిత్రాన్ని తెరకెక్కించిన సాయి కొర్రపాటి మోక్షజ్ఞ సినిమాను నిర్మించబోతన్నారని సమాచారం.

ఆ మధ్య సాయి కొర్రపాటి మాట్లాడుతూ...బాలకృష్ణ గారు నాకు ఇష్టమైన వ్యక్తి. వాళ్లబ్బాయి మోక్షజ్ఞని హీరోగా పరిచయం చేయాలనేది నా కోరిక. అందుకోసం 'రానే వచ్చాడయ్యా ఆ రామయ్యా' అన్న టైటిల్‌ నమోదు చేశాను కూడా. మిగతా విషయాలు బాలయ్యే చెబుతారు. టీవీలో పాటల్ని బాగా వింటాను. అందులో సినిమా టైటిల్స్‌గా పెట్టుకునే మాటలు వస్తాయేమోనని పరిశీలిస్తాను. 'సీతమ్మ వాకిట్లో సిరిమల్లె చెట్టు'లోని పాట నుంచి తీసుకున్నదే 'రానే వచ్చాడయ్యా ఆ రామయ్యా' అన్నారు ప్రముఖ నిర్మాత సాయి కొర్రపాటి.