ఎమ్.ఎస్.రాజు కుమారుడు సినిమా లేటెస్ట్ ఇన్ఫో?

మెగా ప్రొడ్యూసర్ గా వరసగా హిట్స్ ఇచ్చిన ఎమ్.ఎస్.రాజు తన కుమారుడు సుమంత్ అశ్విన్ ని పరిచయం చేస్తూ ఓ చిత్రం రూపొందిస్తున్న సంగతి తెలిసిందే. ఈ చిత్రం దాదాపు ఫిప్టీ పర్శంట్ వరకూ కంప్లీట్ అయింది. ఆగస్టు నెలలో అన్ని పనులూ పూర్తి చేసి విడుదల చేయటానికి సన్నాహాలు చేస్తున్నారు. ఈ చిత్రానికి టైటిల్ గా మొదట మర్చి అని ఫిక్స్ చేసారు. కానీ ఇప్పుడా టైటల్ ని మార్చి తనకు కలిసి వచ్చిన మనసంతా నువ్వే లోని తూనీగ తూనీగ ని ఫిక్స్ చేసినట్లు తెలుస్తోంది. ఇక ఈ చిత్రం రొమాంటిక్ ఫ్యామిలీ ఎంటర్టైనర్ గా అభివర్ణిస్తున్నారు. మంతెన రామ్ జీ ఈ చిత్రాన్ని నిర్మిస్తున్నారు. ఈ చిత్రంలో సుమంత్ అశ్విన్ సరసన ఇద్దరు కొత్త హీరోయిన్స్ నటిస్తున్నారు. ఈ చిత్రాన్ని ఎమ్.ఎస్.రాజు స్వయంగా దర్సకత్వం వహిస్తున్నారు. వాన చిత్రంతో దర్శకుడుగా ఎంట్రీ ఇచ్చిన ఆయన గ్యాప్ తీసుకుని ఈ చిత్రాన్ని రూపొందిస్తున్నారు. ఇక వాన సినిమా భాక్సాఫీస్ వద్ద ఫెయిల్యూర్ టాక్ తెచ్చుకున్న సంగతి తెలిసిందే. దాంతో ఎలాగయినా ఒక్క సక్సెస్ ఇచ్చి డైరక్టర్ గా పేరు తెచ్చుకోవాలని ఆయన కసిగా ఉన్నారు. అందుకోసం కొడుకు కెరీర్ నే పణంగా పెడుతున్నారు.