ఎమ్.ఎస్ రాజు 'తూనీగ తూనీగ'రిలీజ్ డేట్ ఖరారు

By Srikanya

| Published: Thursday, July 12, 2012, 8:41 [IST]

ప్రముఖ నిర్మాత ఎమ్.ఎస్ రాజు సుమంత్‌ అశ్విన్‌ హీరోగా నటించిన చిత్రం 'తూనీగ తూనీగ'. రియా హీరోయిన్ గా యమ్‌.యస్‌.రాజు దర్శకత్వం వహిస్తున్న ఈ చిత్రం జూలై 20న విడుదల చేయటానికి డేట్ ఫిక్స్ చేసారు. ఈ సందర్భంగా ఏర్పాటు చేసిన మీడియా సమావేశంలో రాజు మాట్లాడుతూ -''ఎమ్మెస్ రాజుగారి బేనరులో రూపొందిన మనసంతా నువ్వే, వర్షం, నువ్వొస్తానంటే నేనొద్దంటానా తదితర చిత్రాలు మంచి విజయం సొంతం చేసుకున్నాయి. మా బేనరులో రూపొందించిన చిత్రాలు కూడా ప్రేక్షకాదరణ పొందాయి అన్నారు.

అందుకని మా ఇద్దరి కాంబినేషన్‌లో రూపొందిన ఈ చిత్రంపై అంచనాలు ఉంటాయి. మా సంస్థల్లో వచ్చిన గత చిత్రాల్లానే ఈ చిత్రం కుటుంబసమేతంగా చూడదగ్గ విధంగా ఉంటుంది. సుమంత్‌అశ్విన్ కొత్త హీరోలా కాకుండా బాగా ఈజ్‌తో యాక్ట్ చేశాడు. ఇది ప్రేమకథా చిత్రం. ఈ చిత్రం క్లయిమాక్స్ కొత్తగా ఉంటుంది. ఒక మంచి సినిమా చూశామనే ఫీలింగ్ ప్రేక్షకులకు కలుగుతుంది అని ఎమ్.ఎస్ రాజు చెప్పారు.

సమర్ఫకుడు దిల్ రాజు మాట్లాడుతూ...''అతను సీమటపాకాయ్‌ అయితే ఆ అమ్మాయి అగ్గి పుల్ల. ఒకటి ప్రతాపం చూపించాలంటే రెండోది తప్పకుండా వెలిగి తీరాలి. ఆ అమ్మాయిని చూడకపోతే అబ్బాయికి క్షణం కూడా గడవదు. అమ్మాయికీ అంతే! అంత మాత్రాన ఇద్దరూ మంచి మిత్రులనుకొంటే పొరపాటే. ఇద్దరి మధ్య తీయని శత్రుత్వం ఉంది. ఈ గొడవ ఇప్పుడు మొదలైంది కాదు. తూనీగ.. తూనీగ అంటూ ఆటలాడుకొన్నప్పుడే మొదలైంది. యుక్త వయసులో ఆ వైరం ప్రణయంగా మారిందో లేదో తెరపైనే చూడాలి అన్నారు'' అని అన్నారు.

నాకు ఈ సినిమా చూపించినప్పుడు ఫస్టాఫ్ సూపర్ అనిపించింది. క్లైమాక్స్ గొప్పగా ఉంది. ఈ మధ్యలోనే కాస్త లోటు అనిపించింది. ఆ సంగతే చెబితే, మళ్లీ ఓ వారం షూటింగ్ చేసి చూపించారు. అల్టిమేట్ రిజల్ట్ వచ్చింది అన్నారు. అలాగే సుమంత్ అశ్విన్ అనుభవం ఉన్న హీరోలా చాలా ఈజ్‌తో చేశాడు. వెంకటేశ్, అల్లు అర్జున్ తర్వాత ఓ నిర్మాత కొడుకుగా సుమంత్ అశ్విన్ హీరోగా సెటిల్ అవుతాడు. నేను చెప్పింది నిజమని సినిమా విడుదలైన రోజు ప్రేక్షకులు ఏకీభవిస్తారు. ఇప్పటికే పాటలు సూపర్ హిట్టయ్యాయి. కొడుకును పరిచయం చేస్తున్నారు కాబట్టి ఎమ్మెస్ రాజు రెట్టింపు కష్టపడ్డారు. ఈ సినిమా విడుదలయ్యాక మా బేనర్‌లోనే అశ్విన్‌తో రెండో సినిమా చేస్తాం'' అని చెప్పారు అన్నారు. ఈ చిత్రానికి మాటలు: పరుచూరి బ్రదర్స్‌, కెమెరా: ఎస్‌.గోపాల్‌రెడ్డి, కథ, స్క్రీన్‌ప్లే,దర్శకత్వం: ఎం.ఎస్‌.రాజు.

Comments

English summary

 MS Raju’s upcoming film Tuneega Tuneega is all set to release on July 20. Dil Raju who is distributing the film today announced the release date. Producer turned director M S Raju is introducing his son Sumanth Ashwin as hero in his directorial venture. Maganti Ramji has produced the film. Ilayaraja's son Karthika Raja has provided the music.

Story first published: Thursday, July 12, 2012, 8:41 [IST]

Other articles published on Jul 12, 2012