హోమ్

న్యూస్

ప్రముఖ తమిళ దర్శకుడు మురుగదాస్ దర్శకత్వంలో విజయ్, కాజల్ జటంగా తమిళంలో నిర్మిస్తున్న 'మాళైవీరతు మళియతుల్లి" చిత్రాన్ని తెలుగులో 'తుపాకి" పేరుతో విడుదల చేస్తున్నట్లు వార్తలొచ్చాయి. అయితే 'తుపాకి" టైటిల్ విషయంలో వివాదం చెలరేగింది. ఈ టైటిల్ తమదే అంటూ మరో దర్శకనిర్మాత ఆందోళన ప్రారంభించారు.

అతని పేరు జింకా హరిబాబు. అరుణోదయ సినిమా ఎంటర్‌టైన్‌మెంట్స్ పతాకంపై హరిబాబు 'తుపాకి" అనే చిత్రాన్ని రూపొందిస్తున్నారు. డిసెంబర్ మొదటివారంలో ప్రారంభంకానున్న ఈ చిత్రం గురించి జింక హరిబాబు మాట్లాడుతూ...'తుపాకి" పేరుతో ఫిల్మ్ ఛాంబర్‌లో మేము టైటిల్ రిజిష్టర్ చేసుకున్నామని, తుపాకి టైటిల్ మేము ఎవరికీ ఇవ్వలేదని. ఈ టైటిల్ కొరకు మమ్మల్ని ఎవరూ సంప్రదించలేదని మీడియాతో అన్నారు.

తాను తీయబోయే 'తుపాకి" చిత్రం ఉగ్రవాద నేపథ్యంలో వుంటుందని, కథ, పాటలు కూడా తయారయ్యాయి, కొంతమంది నటీనటులను కూడా ఎంచుకున్నాం. ఈ టైటిల్‌కు ఛాంబర్ వారు ఎలా అనుమతి ఇచ్చారో అర్థం కావడం లేదు" అని అన్నారు. తన టైటిల్ తనకు రాని ఫక్షంలో న్యాయ పోరాటానికి సిద్దమని జింక హరి బాబు తేల్చి చెప్పారు.