మదర్స్ డే: మహేష్ బాబుతో పాటు సినీ ప్రముఖుల ట్వీట్స్

By Bojja Kumar

Published: Sunday, May 13, 2018, 11:42 [IST]

భగవంతుడు మనకు ప్రసాదించిన గొమ్మ బహుమతి అమ్మ. బిడ్డ కోసం తల్లి చేసే సేవ, త్యాగం వెలకట్టలేనివి. అమ్మ కురిపించే అభిమానం, ఆప్యాయతలకు కృతజ్ఞత చెప్పుకోవడానికి ఒక్కరోజు సరిపోదు. అందరికీ మదర్స్ డే శుభాకాంక్షలు.

మదర్స్ డేను పురస్కరించుకొని పలువురు సినీతారలు అమ్మ గొప్పదనం గురించి గుర్తు చేసుకున్నారు. మహేష్ బాబు ట్విట్టర్ ద్వారా తన తల్లి ఇందిర ఫోటోను ట్వీట్ చేశారు. తాను, తన పిల్లలు ఎంతో అదృష్టవంతులమని పేర్కొన్నారు.

మహేష్ బాబు ట్వీట్

మహేష్ బాబు తాజా చిత్రం ‘భరత్ అనే నేను' ఏప్రిల్ 20న తన తల్లి పుట్టినరోజు సందర్భంగా విడుదల చేసిన సంగతి తెలిసిందే. ఈ సినిమా తన కెరీర్లోనే బిగ్గెస్ట్ హిట్ కావడంపై ఆయన చాలా సంతోషంగా ఉన్నారు. ఓ వైపు ఆ సినిమా థియేటర్లలో సక్సెస్‌ఫుల్‌గా రన్ అవుతున్న సమయంలోనే మదర్స్ డే కూడా రావడంపై మహేష్ బాబు మరింత సంతోషంగా ఉన్నారు.