Click it and Unblock the Notifications
రేప్ సీన్ చేస్తుండగా హీరోయిన్కు గాయాలు
ముంబై: సినిమా కథ, సందర్బాన్ని బట్టి సినిమాల్లో రేప్ సీన్లు ఉండటం సర్వ సాధారణం. అయితే ఆ సీన్లు చేయడం అంత సులువేమీ కాదు. ఆ సీన్ రియల్ సీన్లా పండేందుకు నటీనటులు పడే కష్టం అంతా ఇంతా కాదు. ముఖ్యంగా ఆ సీన్లో నటించే నటీనటుల మధ్య కోఫపరేషన్ ఉండటం ఎంతో ముఖ్యం. అలాంటిది లేక పోతే వారికి ఆ సీన్ భయానక అనుభూతిని మిగులుస్తుంది.
బాలీవుడ్ బ్యూటీలు రైమా సేన్, తిలోత్తమలు ఇలాంటి అనుభమే ఎదుర్కొన్నారు. ఈ సీన్ చేస్తుండగా ఇద్దరూ కూడా స్వల్పంగా గాయపడ్డారట. అయినా సరే ఓర్చుకుంటూ సీన్ పండేందుకు తమ వంతు సహాయం అందించారట. తమకు ఎదురైన అనుభవాన్ని వారు మీడియాతో పంచుకున్నారు. ఈ సీన్ చేస్తుండగా చాలా ఇబ్బంది పడ్డామని, ఇలాంటి సీన్లు చేస్తామని ఎప్పుడూ భావించలేదని తెలిపారు.
'నా కెరీర్లో ఇంత కష్టమైన సీన్ ఎప్పుడూ చేయలేదు. నా శరీరానికి ఏమైనా అవుతుందో అని భయపడ్డాను' అని రైమా సేన్ చెప్పుకొచ్చారు. తిలోతమ మాట్లాడుతూ...'రేప్ సీన్ చేయడానికి ప్రిపేర్ కావడం అనేది అంత సులవేమీ కాదు. ఆ సీన్ చూస్తే ప్రతి ఒక్కరికి తాము పడ్డ కష్టం ఏమిటో అర్థం అవుతుంది' అని తెలిపారు.
'చిల్డ్రన్ ఆఫ్ వార్' అనే సినిమాలో వీరు ఈ రేప్ సీన్ చేసారు. పాకిస్తాన్ సైనికులు బంగ్లాదేశ్ మహిళలపై జరిపిన దురాగతాల గురించి ఈ సినిమా సాగుతుంది. సినిమా లోని రేప్ సీన్ల గురించి దర్శకుడు దేవరాత్ మాట్లాడుతూ....భయానక పరిస్థితులకు అద్దం పట్టే విధంగా ఈ సినిమా ఉంటుందని తెలిపారు. మే 16వ తేదీన ఈచిత్రం విడుదలవుతోంది.
Continue with Google