PushpaRaj పరిచయం ఆలస్యం.. మైత్రీపై విరుచుకుపడుతోన్న బన్నీ ఫ్యాన్స్

అలా రచ్చ..

మైత్రీ మూవీస్‌ను గత కొన్ని రోజులుగా బన్నీ అభిమానులు ఓ రేంజ్‌లో ఆడుకున్నారు. పుష్పకు సంబంధించిన అప్డేట్ ఇవ్వడం లేదంటూ మైత్రీని ట్రోల్ చేశారు. అయితే బన్నీ ఫ్యాన్స్‌ను ఖుషీ చేసేలా అప్డేట్లతో ముందుకు వచ్చారు. బన్నీ బర్త్ డే సందర్భంగా మరుపురాని గిఫ్ట్ ఇచ్చేందుకు ప్లాన్ వేశారు.

ప్రీల్యూడ్ అంటూ..

గత రెండు మూడు రోజుల క్రితం వదిలిన చిన్నపాటి వీడియో సోషల్ మీడియాను షేక్ చేసేసింది. బన్నీని అలా చూపించీ చూపించుకుండా వదిలిన ఈ వీడియోతోనే అంచనాలు రెట్టింపు అయ్యాయి. బన్నీ యాక్షన్, దేవీ శ్రీ ప్రసాద్ బ్యాక్ గ్రౌండ్ స్కోర్, సుకుమార్ టేకింగ్ అన్నీ కూడా అదిరిపోయేలా ఉన్నాయని అందరూ అనుకున్నారు.

తాజాగా ఇలా..

ఇక నేటి సాయంత్రం ఆరు గంటల పన్నెండు నిమిషాలకు పుష్పరాజ్‌ను పరిచయం చేస్తామని చెప్పిన యూనిట్.. మాట ప్రకారం వీడియోను వదల్లేదు. చివరి నిమిషంలో ఓ షాక్ ఇచ్చారు. దీంతో బన్నీ ఫ్యాన్స్ తీవ్ర ఆగ్రహం వ్యక్తం చేశారు. మైత్రీని ఓ రేంజ్‌లో ఏకిపారేస్తున్నారు.

ఆలస్యం అంటూ..

ముందుగా చెప్పిన ప్రకారం అయితే 6 12 గంటలకు పుష్పరాజ్‌ను పరిచయం చేయాల్సి ఉంది. కానీ స్పెషల్ ఈవెంట్‌ను ఏర్పాటు చేసిన అనంతరం వీడియో విడుదల చేద్దామని యూనిట్ భావించినట్టుంది. అందుకే రాత్రి 8 19 గంటలకు విడుదల చేస్తామని ప్రకటించారు. మీ ఎదురుచూపులకు తగ్గట్టుగానే ఉంటుందని ట్వీట్ వేసింది.

Recommended Video

Pawan Kalyan Reaction After Watching Vakeel Saab

ఫ్యాన్స్ ఫైర్..

మీ స్ట్రాటజీలు మాకు తెలుసు.. పొద్దున్నుంచి ఎదురుచూస్తుంటే ఇప్పుడు ఇలా చేస్తావ్ ఏంట్రా.. మళ్లీ ఎనిమిది నుంచి పది గంటలకు మార్చేయండిరా అంటూ ఇలా రకరకాలుగా ట్వీట్లు వేసి మైత్రిని ట్రోల్ చేస్తున్నారు.