»   » ఎన్టీఆర్ బయోపిక్: విఠలాచార్య పాత్రలో ప్రముఖ దర్శకుడు?

ఎన్టీఆర్ బయోపిక్: విఠలాచార్య పాత్రలో ప్రముఖ దర్శకుడు?

Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    తెలుగులో సోషియో ఫాంటసీ కథలకు విఠలాచార్య పెట్టింది పేరు. ఎలాంటి టెక్నాలజీ లేని రోజుల్లో ఆయన తన సినిమాలతో ఎన్నో అద్భుతాలు సృష్టించారు. ఎన్టీ రామారావు, విఠలాచార్య కాంబినేషన్లో వచ్చిన అగ్గిబరాటా లాంటి సినిమాలు బాక్సాఫీసు వద్ద పలు రికార్డులు సృష్టించాయి. ఎన్టీఆర్ కెరీర్ ప్రారంభంలో విఠలాచార్య సినిమాలు బాగా హెల్ప్ అయ్యాయి. ఈ నేపథ్యంలో ప్రస్తుతం తెరకెక్కుతున్న ఎన్టీఆర్ బయోపిక్‌లో విఠాలాచార్య పాత్రను కూడా చూపించబోతున్నారు.

    తాజాగా సినీ వర్గాల సమాచారం ప్రకారం విఠలాచార్య పాత్రలో దర్శకుడు ఎన్ శంకర్ నటించబోతున్నట్లు తెలుస్తోంది. ఇప్పటికే శంకర్ పై కొన్ని సన్నివేశాలు కూడా చిత్రీకరించారట. త్వరలోనే ఈ పాత్రకు సంబంధించిన లుక్ కూడా విడుదల కాబోతోంది.

    N Shankar to play Vittalacharya in NTR biopic

    'ఎన్టీఆర్' బయోపిక్ చిత్రం, ప్రస్తుతం శరవేగంగా షూటింగ్ జరుపుకుంటుంది. దర్శకుడు క్రిష్ ఈ చిత్రాన్ని ఎంతో ప్రతిష్టాత్మకంగా తెరకెక్కిస్తున్నారు. ఎన్టీ రామారావు జీవితంలోని ప్రముఖులను సినిమాలో ఎవరిని ఎంత మేర చూపించాలి అనే విషయమై స్పెషల్ కేర్ తీసుకుంటున్నారు.

    బయోపిక్ అంటే ప్రేక్షకులు దృష్టంతా అందులో చూపించే పాత్రలు, వారి లుక్ మీదే ఉంటుంది. అందుకే పాత్రల మేకోవర్ విషయంలో సైతం క్రిష్ ప్రత్యేక శ్రద్ధ పెట్టారు. ఇందులో ఎన్టీఆర్ పాత్రను ఆయన తనయుడు బాలకృష్ణ పోషిస్తున్న సంగతి తెలిసిందే. ఇప్పటికే విడుదలైన ఆయన లుక్ తెలుగు ప్రేక్షకులను ఆశ్చర్య పరిచింది. ఎన్టీఆర్ అల్లుడు నారా చంద్రబాబుు నాయుడు పాత్రలో రానా నటిస్తున్నాడు. ఇటీవలే రానా లుక్ విడుదల చేయగా మంచి రెస్పాన్స్ వచ్చింది.

    ఎన్టీఆర్ బయోపిక్ షూటింగ్ మరో రెండు నెలల్లో ముగుస్తుందని తెలుస్తోంది. వీలైతే సంక్రాంతికి లేదా ఆ తర్వాత సినిమాను విడుదల చేసే అవాకశం ఉంది. ఎం.ఎం. కీరవాణి ఈ చిత్రానికి సంగీతం సమకూరుస్తున్నారు. బాలయ్య నిర్మిస్తున్న ఈ చిత్రానికి యి కొర్రపాటి, యువ నిర్మాత విష్ణు సహ నిర్మాతలుగా వ్యవహరిస్తున్నారు.

    English summary
    Tollywood director N Shankar, who will be seen playing the character of Vitalacharya in the 'NTR' biopic, says he honoured to play the role.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more