బన్నీ హై ఓల్టేజ్ పెర్ఫార్మెన్స్ కేక : ‘నా పేరు సూర్య’ ఫస్ట్ ఇంపాక్ట్ (టీజర్)

సోల్జర్‌గా బన్నీ

ఈ చిత్రంలో అల్లు అర్జున్ ఆర్మీ సోల్జర్‌గా కనిపించనున్నారు. కోపం ఎక్కువగా ఉండే సైనికుడి పాత్రలో బన్నీ పెర్ఫార్మెన్స్ సినిమాలో హైలెట్ అయ్యే విధంగా ఉంది. బన్నీ కెరీర్లోనే ఈ చిత్రం స్పెషల్ మూవీ కాబోతోంది.

ముఖ్య పాత్రల్లో అర్జున్, శరత్ కుమార్

ఈ చిత్రంలో యాక్షన్ కింగ్ అర్జున్ , శ‌ర‌త్ కుమార్ లు ముఖ్య పాత్రల్లో న‌టిస్తున్నారు. బాలీవుడ్ సంగీత ద్వయం విశాల్ - శేఖర్ ఈ చిత్రానికి అద్భుతమైన సంగీతం అందిస్తున్నారు.

బన్నీ యాక్షన్, వంశీ డైరెక్షన్ అదుర్స్

చిత్ర నిర్మాతల్లో ఒకరైన నాగబాబు మాట్లాడుతూ... బన్నీ కెరీర్ లో హై వోల్టేజ్ యాక్షన్ లవ్ ఎంటర్టైనర్ గా ఈ చిత్రం నిలుస్తుందని, దర్శకుడు వక్కంతం వంశీ అద్భుతమైన కథ కథనం తో కంప్లీట్ ప్యాకేజీ అందిస్తున్నాడు అని తెలిపారు.

బోమన్ ఇరానీ

ఈ చిత్రంలో ప్రముఖ బాలీవుడ్ నటుడు బోమన్ ఇరానీ బన్నీ సుపీరియర్ పాత్రలో నటిస్తున్నాడు. ఈ చిత్రంలో ఆయన పాత్ర కూడా చాలా కీలకంగా ఉండనుంది.

రిస్క్ అన్నారు... కానీ బన్నీకి తెలుసు

వక్కతం వంశీకి కథలు రాసే టాలెంటు మాత్రమే ఉంది. అతడికి దర్శకత్వం చేసే టాలెంటు లేదని, ఇది రిస్కే అని... ఈ సినిమా ఒప్పుకునే ముందు బన్నిని కొందరు హెచ్చరించారు. అయితే టీజర్ విడుదలైన తర్వాత వక్కతం వంశీ మేకింగ్ మీద అందరికీ నమ్మకం పెరిగింది.

తారాగణం, తెర వెనక

ఈ చిత్రంలో అల్లు అర్జున్, అనూ ఎమ్మాన్యూఏల్ యాక్షన్ కింగ్ అర్జున్, శరత్ కుమార్ తదితరులు నటిస్తున్నారు. ఎడిటర్ - కోటగిరి వెంకటేశ్వరరావు (చంటి), ఫైట్స్ - రామ్ లక్ష్మణ్, సాహిత్యం - రామజోగయ్య శాస్త్రి, ప్రొడక్షన్ డిజైనర్ - రాజీవన్, సినిమాటోగ్రఫి - రాజీవ్ రవి, సంగీతం - విశాల్ - శేఖర్, ప్రొడక్షన్ కంట్రోలర్ - డి. యోగానంద్, ఎగ్జిక్యూటివ్ ప్రొడ్యూసర్ - బాబు, బ్యానర్ - రామలక్ష్మీ సినీ క్రియేషన్స్, సమర్పణ - k.నాగబాబు, సహ నిర్మాత - బన్నీ వాసు, నిర్మాత - శిరీషా శ్రీధర్ లగడపాటి రచన, దర్శకత్వం - వక్కంతం వంశీ