Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అదరగొడుతున్న అల్లు అర్జున్.. కండలవీరుడిగా ఉగ్రరూపం..
Recommended Video
స్టైలిష్ స్టార్ అల్లు అర్జున్ సినిమా సినిమాకు పరిణితి కనబరుస్తూ అభిమానులను ఆకట్టుకొంటున్నాడు. ప్రస్తుతం అల్లు అర్జున్ నటిస్తున్న చిత్రం నా పేరు సూర్య.. నా ఇల్లు ఇండియా. ఇప్పటికే రిలీజైన టీజర్, తదితర పోస్టర్లతో ఈ చిత్రంపై ఇప్పటికే భారీ అంచనాలు నెలకొన్నాయి. తాజాగా అల్లు అర్జున్ సోదరుడు అల్లు శిరీష్ ట్వీట్ చేసిన ఓ పోస్టర్ ఇంటర్నెట్లో వైరల్గా మారింది.
అల్లు అర్జున్ నోట్లో సిగార్తో
తాజాగా వైరల్గా మారిన పోస్టర్లో అల్లు అర్జున్ లుక్ భీభత్సంగా ఉంది. నోట్లో సిగార్ పెట్టుకొని తీవ్రమైన లుక్స్తో అల్లాడించాడు. ఇక మిలటిరీ కటింగ్తో జీపులో కూర్చొని ఉన్న స్టైలిష్ స్టార్ బాడీ హాలీవుడ్ హీరో ధీటుగా కనిపించింది.
కండలు తిరిగిన యోధుడిగా
నా పేరు సూర్య కోసం అల్లు అర్జున్ ప్రత్యేక శ్రద్ద పెట్టి బాడీ బిల్డింగ్ చేశాడు. కండలు తిరిగిన చేయి ఫ్యాన్స్కు కేక పుట్టించేలా ఉంది. మిలటరీ ఆఫీసర్ అంటే ఇలానే ఉంటాడు అనే విధంగా అల్లు అర్జున్ తన బాడీని సరిదిద్దుకొన్నాడు.
అమెరికాలో స్పెషల్ ట్రైనింగ్
సినిమాలోని పాత్ర తగినట్టుగా తన శరీరాకృతిని మార్చుకొనేందుకు అల్లు అర్జున్ అమెరికాలో ప్రత్యేక శిక్షణ పొందాడు. ఈ పాత్ర కోసం విపరీతంగా శ్రమ పడినట్టు చిత్ర యూనిట్ పేర్కొంటున్నది.
సైనికుడిగా స్టైలిష్ స్టార్
నా పేరు సూర్య చిత్రంలోఅల్లు అర్జున్ భారతీయ సైన్యంలో పనిచేసే ఆఫీసర్గా కనిపిస్తున్న సంగతి తెలిసిందే. సైనికుడి పాత్రలో అల్లు అర్జున్ పరకాయ ప్రవేశం చేసినట్టు టీజర్లో స్పష్టమైంది.
వక్కంతం వంశీ దర్శకత్వం
కథ, మాటల రచయిత వక్కంతం వంశీ తొలిసారిగా దర్శకత్వం బాధ్యతలు చేపట్టి నా పేరు సూర్య అనే చిత్రాన్ని రూపొందిస్తున్నారు. ఈ చిత్రానికి విశాల్ శేఖర్ సంగీతం అందిస్తున్నారు. శిరీష రామలక్ష్మీ సినీ క్రియేషన్స్పై లగడపాటి శ్రీధర్ ఈ చిత్రాన్ని నిర్మిస్తున్నారు. మెగా బ్రదర్ నాగబాబు సహనిర్మాతగా వ్యవహరిస్తున్నారు.
ఏప్రిల్ 20వ తేదీన రిలీజ్
నా పేరు సూర్య చిత్రాన్ని తొలుత ఏప్రిల్ 27న రిలీజ్ చేయాలని నిర్ణయించారు. అయితే అదే రోజు రజనీకాంత్ నటిస్తున్న కాలా చిత్రం రిలీజ్ కానుండటంతో రిలీజ్ డేట్ను మార్చుకొన్నారు. ప్రస్తుతం ఈ చిత్ర విడుదలను ఏప్రిల్ 20 తేదీగా నిర్ణయించారు.