నా స్టైలే వేరు ఏమైంది?

By Staff

Published: Monday, June 15, 2009, 9:44 [IST]

రాజశేఖర్, భూమిక ప్రధాన పాత్రలుగా వచ్చిన నా స్టైలే వేరు చిత్రం చెత్త చిత్రంగా ముద్ర వేయించుకుంది. మళయాళ హిట్ హలోని ఇంప్రవైజ్ చేస్తూ వచ్చిన ఈ చిత్రం ప్రేక్షకుల సహనానికి పరీక్ష పెట్టింది. కథ ప్రకారం శివరామ్(రాజశేఖర్) ఓ త్రాగుబోతు లాయర్ అలాగే అతనికి తన కుటుంబమంటే అసహ్యం.ఎందుకు అలా అసహ్యం అంటే ఓ ప్లాష్ బ్యాక్ ..అందులో అతనికో ప్రేమ కధ. అతన్ని లవర్ నుండి వేరుచేయటానికి అతని కుటుంబం ఆమెను ఆత్మహత్య చేసుకునేలా ప్రేరేపిస్తారు. ఇక ఇప్పుడు అతను ఓ బార్ నుండి వస్తూండగా పార్వతి (భూమిక) నుంచి ఓ కాల్ వస్తుంది.తనని కిడ్నాపర్ల నుండి రక్షించమని ఆమె అర్ధిస్తుంది. ఆమెను అతను రక్షించి ఇంటికి పంపుతాడు. అయితే అప్పుడో విషయం రివిల్ అవుతుంది.

పార్వతి కి ఆమె సొంత కుటుంబం నుంచే ప్రమాదం పొంచి ఉందని..అదీ ఆస్తి కాజేయాలని.దాంతో ఆమెను వాళ్లనుండి రక్షించటానికి శివరామ్ ఆమె కాబోయే భర్తగా నటిస్తూ ఆమె ఇంట్లోకి చేరి వారి భరతం పడతాడు. ఇక ఈ చిత్రం ప్రారంభం హాలీవుడ్ సెల్యూలర్ నుంచి ఎత్తిందేనని అర్ధమవుతుంది. ఆ తర్వాత హనుమాన్ జంక్షన్ లా టర్న్ తీసుకుంటుంది. అయితే ఒరిజనల్ హలోను మరింత మార్చి సహనానికి పరీక్ష పెట్టడం మాత్రం విసుగేస్తుంది. చిరునవ్వుతో చిత్రంతో దర్శకుడుగా మంచి ముద్ర వేయించుకున్న జి.రాం ప్రసాద్ ఆ తర్వాత గేమ్ వంటి పెద్ద ఫ్లాప్ సినిమాలు తీసాడు. ఇప్పుడు తాజాగా చేసిన ఈ ప్రయత్నం కూడా వికటించింది. ఇక రాజశేఖర్ ఎప్పటిలాగే ఏదో ఒక సినిమాను రీమేక్ వంకతో చెడకొట్టందే నిద్ర పోడని మరోసారి నిరూపించుకున్నాడు. భూమిక గురించి అయితే ఎంత తక్కువ చెప్పుకుంటే అంత మంచిది.

More from Filmibeat