కరోనాతో ఆటలాడుతున్న మెగా బ్రదర్.. దేవుడు గొప్పా?.. ఆ వైరస్ గొప్పా..?.. భక్తులకు నాగబాబు చాలెంజ్!

ఆల్ ది బెస్ట్..

ఇటీవలే ఛార్మి సైతం కరోనా పై స్పందించి చివరకు సారీ చెప్పింది. కరోనా వచ్చింది.. ఆల్ ది బెస్ట్ అంటూ వీడియో పోస్ట్ చేసి ఛార్మి చిక్కుల్లో పడింది. చాలామంది ఛార్మి వ్యాఖ్యలను తప్పుబట్టారు. దీంతో చివరకు సోషల్ మీడియా వేదికగా క్షమాపణలు కోరింది ఛార్మి.

కరోనాకే పాఠాలు..

ఏ విషయమైనా సరే తన స్టైల్లో స్పందించే వర్మ.. చివరకు కరోనాను కూడా వదిలిపెట్టలేదు. డియర్ వైరస్.. ఎవ్వరైనా చనిపోవాల్సిందే.. నీకు తెలియకుండా వైరాలజీ చదువుకో.. నువ్వు బతుకు అందరినీ బతకనివ్వు అంటూ ఓ సెటైర్ వేశాడు.

నాగబాబు సైతం..

‘ఈ భూమి మీద మనిషి అనే జీవి పూర్తిగా చనిపోతే.. ఈ భూమి, ప్రకృతి, వాతావరణం అద్భుతంగా ఉంటాయని అన్నారు. మానవుడు లేకుంటే మిగిలిన జీవరాసులు చాలా చాలా సంతోషంగా జీవిస్తాయని చెప్పారు. సర్వ జీవరాసులు ప్రకృతి ధర్మాలకు లోబడి బతుకుతున్నాయని, కరోనా వైరస్ సహా.. ఒక్క మనిషి తప్ప' అని నాగబాబు ట్వీట్ చేశాడు.

భక్తులకు ఛాలెంజ్

తాజాగా మళ్లీ స్పందిస్తూ..‘దేవుడి భక్తుల కి నా ఛాలెంజ్.. ఎక్కువ గా గ్రూప్స్ గా వుండొద్దు అని ప్రభుత్వం వారి సూచన.. సో మీకు దేవుడి మీద నమ్మకం ఉంటే మీ ప్రార్ధనాలయాలకి గ్రూప్స్ గా వెళ్లి పూజలు ,ప్రార్ధనలు చెయ్యండి.. ప్రసాదాలు, తీర్థాలు,స్వీకరించండి..సేఫ్‌గా ఉంటే దేవుడు గొప్ప తేడా అయితే కరోనా వైరస్ గొప్ప' అంటూ వ్యంగ్యంగా స్పందించాడు.

మెగాకోడలు బాధ్యతాయుతంగా..

మెగా కోడలు మాత్రం కరోనా పట్ల తీసుకోవాల్సి జాగ్రత్తలు, సలహాలు, సూచనలు వివరించింది. కరోనాను ఎలా గుర్తించవచ్చు వ్యాధి లక్షణాలేంటనేవి చెప్పుకొచ్చింది. బయట తిరగొద్దని, కరచాలనం చేయోద్దని, చేతులు శుభ్రంగా కడుక్కోవాలని తెలిపింది.