పవన్ కళ్యాణ్‌తో జార్జ్ రెడ్డి.. అందుకే మా తమ్ముడంటే ఇష్టం.. సీఎం, పీఎం అయ్యే వ్యక్తి : నాగబాబు

జార్జ్ రెడ్డిపై నాగబాబు ప్రశంసలు..

ట్రైలర్ ను చూసి టాలీవుడ్ ప్రముఖ నటులు తమ అభిప్రాయాలను వ్యక్తం చేస్తున్నారు. ‘జార్జ్ రెడ్డి' పేరు మీద విడుదల అవుతున్న ఈ చిత్రానికి ప్రేక్షకుల ఆదరణ ఉంటుందని చెబుతున్నారు. సీనియర్ నటుడు నాగబాబు ట్రైలర్ ను చూసి ఈ చిత్ర బృందాన్ని అభినందిస్తూ.. తన యూ ట్యూబ్ ఛానెల్‌లో ఈ సినిమాపై ప్రశంసలు కురిపిస్తూ సుదీర్ఘంగా మాట్లాడాడు.

పోస్టర్లు చూశాక..ట్రైలర్‌ను చూశా

నేను జార్జిరెడ్డి పోస్టర్లు చూసిన తర్వాత ట్రైలర్ ను చూశా. జార్జిరెడ్డి ఉస్మానియా విద్యార్థి అన్న విషయం తెలుసు. చాలా ఏళ్లుగా ఆయన గురించి వింటూనే ఉన్నా. ట్రైలర్ చూసిన తర్వాత అలాంటి పాత్రకు పేరున్న నటుడు అంతగా సరిపోడని నాకు అనిపించింది. సందీప్ మాధవ్ ఇప్పటివరకు చిన్న పాత్రలే చేశాడు. అతను జార్జిరెడ్డి పాత్రకు సరిపోయాడు.

పవన్ కళ్యాణ్‌తో సినిమా..

అతని పాత్రను మా కల్యాణ్ బాబు లేదా మా అబ్బాయి వరుణ్ తో చేయిస్తే ఎలా ఉంటుందని ఆలోచించా. ఈలోగా జీవన్ రెడ్డి ఆ కథతో సినిమా తీసేశారని సంతోషించా. ఆయన కూడా నాకు పరిచయమే. జార్జిరెడ్డి ఒక లెజెండ్. అందుకే ఆయనంటే నాకు ఇష్టం. ఫిజిక్స్ , గణితంలో అతను గోల్డ్ మెడలిస్ట్. ఇస్రోలో ఉద్యోగం వస్తే వదిలేసి వచ్చాడు. పీడీఎస్‌యూ సంస్థను స్థాపించి.. విద్యార్థుల సమస్యల పరిష్కరించాడు. తోటీ విద్యార్థులకు తరగతులు చెప్పేవాడు.

రియల్ హీరో..

ఆయన రియల్ లైఫ్ బాక్సర్.. బాక్సింగ్‌లో చాంపియన్.. ఓ ఇరవై ముప్పై మంది వచ్చినా కొట్టగలడు. రియల్ హీరో. అనేక రకాల విద్యల్లో ప్రావీణ్యం ఉంది. అరణ్యంలోకి వెళ్లినా బతికే సత్తా ఉంది. కానీ ప్రజల్లోనే ఉండి సేవ చేయాలని అనుకున్నాడు. విద్యార్థుల కోసం.. వెనుకబడిన వర్గాల కోసం ఎన్నో రకాలుగా పోరాడాడు.

అప్పుడు నేను పదో తరగతి..

ఆయన చనిపోయినప్పుడు నేను పదో తరగతి చదువుతున్నాను.. నేను డిగ్రీకి వచ్చేసరికి నాకు ఆయన గురించి తెలిసింది. అప్పట్లో ఉన్న విలువలు.. ఇప్పుడున్న యూత్‌కు లేవు.. అవి తిరిగి నేర్చుకోవాలి. జనాలు తెలుసుకోవాలి. అందుకే ఈ సినిమాను చూడాలని ఎంతో ఆత్రుతగా ఉన్నాను.

అందుకే మా తమ్ముడు ఇష్టం..

ఆయన్ను చూస్తుంటే పవన్ కళ్యాణ్ గుర్తొస్తాడు..ఆయన వ్యక్తిత్వం, అగ్రెసివ్‌నెస్ , ఎమోషన్స్.. పవన్‌లో కనిపిస్తాయి.. అందుకే మా తమ్ముడంటే నాకిష్టం. జనసేన జెండాలో కూడా ఆయన మూసిన గుప్పిటి గుర్తు ఉంటుంది.. అందుకే అంటారేమో గొప్పవాళ్లందరూ ఒకేలా ఆలోచిస్తారు అని. ఇక్కడ మా తమ్ముడిని హైలెట్ చేయడం అని కాదు.. కానీ ఒక ఉదాహరణగా చెప్పాను.

Recommended Video

Cine Box : RRR Updates,Rajamouli Fully Focused On NTR And Ram Charan For RRR !

సీఎం, పీఎం కాగల వ్యక్తి..

ఎంతో మంది కోసం యుద్దం చేసిన వ్యక్తి.. 25 కత్తిపోట్లు తిని కూడా.. తప్పించుకుని.. బాగయ్యాక మళ్లీ వచ్చి పోరాడాడు. ఆఖరికి కొన్ని శక్తులు మట్టుబెట్టాయి. ఒకవేళ ఆయన బతికి ఉంటే.. సీఎం, పీఎం అయ్యే గొప్ప లక్షణాలున్న వ్యక్తి. ఇలాంటి లెజెండ్ గురించి సినిమా తీయాలి. ఇది బయోపిక్ అంటే.. ఇలాంటి చిత్రాలను బయోపిక్ అంటారు.