బాలయ్యపై నాగబాబు కామెంట్ నెం.2: చిరు, మహేష్, పవన్, జూ ఎన్టీఆర్ పేర్లు ప్రస్తావిస్తూ!

బాలయ్య కామెంట్ నెం.2: ఒకరిని హీరోను చేయడం ఇష్టం లేదు.. మేమే సూపర్ స్టార్స్

కామెంట్ నెం.2 బాలయ్య ఏబీఎన్ ఛానల్‌ ఇంటర్వ్యూలో చేశారు. పవన్ కళ్యాణ్ చేసిన ఓ కామెంట్ మీద ఆయన అభిప్రాయం అడిగారు. అది తప్పయితే తప్పు అని చెప్పండి. కానీ అలా కాకుండా ‘అవన్నీ మాకు అవసరం లేదు. మాకు మేమే హీరోలం. మాకు మేమే సూపర్ స్టార్లం.' అన్నారు.

మాకు చేతకాదా? ఓపికగా వెయిట్ చేశాం

వెరీ గుడ్ సర్.. మీకు మీరే సూపర్ స్టార్లు. మాకు అభ్యంతరం లేదు. కానీ మిగతా వాళ్లు కాదా? మీరేనా సూపర్ స్టార్స్? మీరేనా గొప్ప నటులు. పవన్ కళ్యాణ్ కాదా? ఈ టైప్ ఆఫ్ కామెంట్స్ ఏమిటి? దీనికి కామెంట్ చేయడం మాకు కుదరదా? మాకు చేతకాదా? మేము కౌంటర్ చేయలేమా? అయినా ఎందుకులే.. చూద్దాం అని చాలా ఓపికగా వెయిట్ చేశామని... నాగబాబు చెప్పుకొచ్చారు.

ఇక్కడ చాలా మంది స్టార్స్ ఉన్నారు... మహేష్, ఎన్టీఆర్, పవన్ కళ్యాణ్

ఇక్కడ సూపర్ స్టార్లు ఒక్కరే కాదు.. చాలా మంది ఉంటారు. ప్రతి వారూ స్టార్సే. మీకు సంబంధించిన కొంత మంది వ్యక్తులు మాత్రమే హీరోలు కాదు. మహేష్ బాబు అనబడే స్టార్ ఉన్నాడు. జూ ఎన్టీఆర్ అనే ఒక స్టార్ ఉన్నాడు. పవన్ కళ్యాణ్ అనే స్టార్ ఉన్నాడు. మెగా స్టార్ ఉన్నాడు. సూపర్ స్టార్ కృష్ణగారు ఉన్నారు. చాలా మంది స్టార్స్ ఉన్నారని నాగబాబు చెప్పుకొచ్చారు.

జనాలు మెచ్చుకుంటే స్టార్లవుతారు

మీకు మీరు స్టార్ అని చెప్పుకోండి పర్లేదు. ఎవరినో హీరోను చేయడం ఎందుకు? అని అనడం సరికాదు. మీరు ఎవరినీ చేయక్కర్లేదు. జనాలు హీరోను చేస్తారు. జనాలకు నచ్చితే హీరోలవుతారు. జనాలు మెచ్చుకుంటే స్టార్లవుతారు. దీనికి కూడా మేము కామెంట్ చేయొచ్చు. అయినా కూడా మేము కామ్ గానే ఉన్నామని నాగబాబు తెలిపారు.