గీతా ఆర్ట్స్ బ్యానర్లో నాగచైతన్య మరో సినిమా

నాగచైతన్య హీరోగా, గీతా ఆర్ట్స్ బ్యానర్ లో వచ్చిన 100%లవ్ సినిమా భారీ విజయం సాధించిన విషయం తెలిసిందే. తాజాగా ఇదే బ్యానర్లో నాగచైతన్య మరో సినిమా చేయబోతున్నారు. ఈచిత్రానికి రవికుమార్ చౌదరి దర్శకత్వం వహించబోతున్నారు. రవికుమార్ చౌదరి గతంలో 'యజ్ఞం', 'వీర భద్ర' చిత్రాలకు దర్శకత్వం వహించారు. బన్నీ వాసు ఈ చిత్రానికి నిర్మాత.

ప్రస్తుతం నాగచైతన్య దేవా కట్ట దర్శకత్వంలో రూపొందుతున్న 'ఆటో నగర్ సూర్య' చిత్రంలో నటిస్తున్నాడు. ఈ సినిమా తర్వాత రాధా మోహన్ దర్శకత్వంలో 'గౌరవం' అనే చిత్రంలో నటించనున్నారు. గౌరవం చిత్రంలో నాగార్జన తొలి సారిగా నాగచైతన్యతో కలిసి నటించబోతున్నాడు. ఈ రెండు చిత్రాల తర్వాత గీతా ఆర్ట్స్ బ్యానర్లో సినిమా చేసే అవకాశం ఉంది.

దడ, బెజవాడ వరుస ప్లాపులతో వెనకబడ్డ నాగచైతన్య తర్వలో విడుదలకు సిద్ధం కాబోతున్న 'ఆటో నగర్ సూర్య' చిత్రంపైనే పూర్తి ఆశలు పెట్టుకున్నాడు.