నాగచైతన్య, రాణాకి ఆ సమస్య..

By Staff

Published: Tuesday, May 19, 2009, 17:37 [IST]

తన మేనల్లుడు నాగచైతన్య, తన అన్నకొడుకు రాణా తెరంగ్రేటం గురించి వెంకటేష్ పాజిటివ్ గా స్పందిచారు. వారసత్వంగా నటులు అయ్యేవారికి విపరీతమైన ప్రెజర్ ఉంటుందని, ఆ సమస్య తప్పదని, తానూ అనుభవించానని, అందులోనూ తొలిచిత్రంతో అది మరింతగా కనపడుతుందని అంటున్నారు. తమ ముందున్న స్టార్స్ ఇమేజ్ కి అనుగుణంగా అభిమానులంతా ఎదురుచూస్తూంటారని, అంతేగాని కొత్త హీరో కదా అని కన్సెక్షన్ ఇవ్వరని అన్నారు. అలాగే అంతా వారసులే వస్తే బయిటనుంచి వచ్చేవారికి స్ధానం ఉంటుందా అంటే అలాంటిదేమీ ఉండదని, సినీ పరిశ్రమ ఓ పుష్పక విమానం వంటిదని ఎప్పుడూ ఖాళీ అనేది ఉంటుందని వ్యాఖ్యానించారు. అలాగే తాను ప్రస్తుతం చేస్తున్న ఈనాడు(ఎ వెడ్నస్ డే రీమేక్)గురించి మాట్లాడుతూ కమల్ హాసన్ వంటి గొప్ప వ్యక్తి నుంచి కాల్ వచ్చింది. ఆయనతో కలిసి పనిచేయాలన్నారు. నా పాత్ర ఏమిటన్నది తెలుసుకోవాలనిపించలేదు.

ఎందుకంటే నాలాంటి ఎంతో మంది నటులుకు కమల్ నటన ప్రేరణ..నేను ఆయన చేసే విభిన్న తరహా పాత్తరలు చూసి షాకవతూంటాను. అలాగే ఈనాడు లో నిజమైన పోలీస్ ఆఫీసర్ ఎలా ఉంటాడో మీరు చూస్తారు. ఎ వెడ్నస్ లో అనుపమ ఖేర్ పాత్రను చాలా మార్చారు. ఇక తెలుగు ప్రేక్షకులు టెర్రరిజం సబ్జెక్టులకు ఆకష్పింపబడతారా అంటే..నేను అవుననే అంటాను..ఎందుకంటే మనకిక్కడా బాంబు ప్రేలుళ్లు జరిగాయి. ఇక ఈ చిత్రంలో హీరోయిన్ లేకుండా చేస్తున్నారు ఏమీ అనిపించటం లేదా అంటే అలాంటిదేమీ లేదుని నవ్వి ఊరుకున్నారు. ప్రస్తుతం నాగచైతన్య..దిల్ రాజు నిర్మిస్తున్న జోష్ చిత్రంలో నటిస్తున్నారు. ఈ చిత్రం ద్వారా వాసు వర్మ పరిచయమవుతున్నాడు. అలాగే రాణా...ఎవియం వారు నిర్మిస్తున్న లీడర్ చిత్రంలో చేస్తున్నారు. దానిని శేఖర్ కమ్ముల డైరెక్టు చేస్తున్నారు.

More from Filmibeat