twitter
    For Quick Alerts
    ALLOW NOTIFICATIONS  
    For Daily Alerts

    సమంతని హడావిడిగా బైక్‌లో తీసుకెళ్లిన చైతు.. రైల్వేస్టేషన్‌లో పరుగులు, ఏం జరిగిందంటే!

    |

    Recommended Video

    Naga Chaitanya drops Samantha At Simhachalam Railway Station : Why ?

    నాగ చైతన్య, సమంత గత ఏడాది ప్రేమ వివాహం చేసుకున్నారు. కుటుంబసభ్యులు, బంధు మిత్రుల సమక్షంలో వీరి వివాహం ఘనంగా జరిగిన సంగతి తెలిసిందే. ప్రస్తుతం చైతు, సమంత వైవాహిక జీవితాన్ని ఎంజాయ్ చేస్తున్నారు. నాగ చైతన్య వరుస చిత్రాలతో బిజీగా గడుపుతున్నాడు. సమంత వివాహం తరువాత కూడా క్రేజీ ఆఫర్స్ అందుకుంటూ నటిగా దూసుకుపోతోంది. ఇదిలా ఉండగా సింహాచలం రైల్వేస్టేషన్ లో సమంతని చైతు హడావిడిగా బైక్ పై తీసుకుని రావడంతో ఆ ప్రాంతం జనంతో కిక్కిరిసిపోయింది. అంత హడావిడిగా చైతు, సమంత రైల్వే స్టేషన్ లో ప్రత్యక్షం కావడానికి కారణం ఏంటో ఇప్పుడు చూద్దాం.

    భార్యని బైక్‌పై

    భార్యని బైక్‌పై

    సమయం 10 గంటలు దాటిపోతుండడంతో నాగ చైతన్య సమంతని హడావిడిగా బైక్ పై ఎక్కించుకుని సింహాచలం రైల్వేస్టేషన్ కు తీసుకుని వచ్చాడు. బైక్ దిగగానే సమంత ఉరుకులు పరుగులు ప్రారంభించి టికెట్ కౌటర్ వద్దకు చేరుకుంది. సమంత, చైతు కావాలంటే ఖరీదైన కారులో వచ్చి విమానంలో ప్రయాణించవచ్చు. హడావిడిగా రైల్వేస్టేషన్ కు వెళ్లడం ఏంటి.. అదికూడా బైక్ లో అనే సందేహం రాక మానదు.

    వివాహం జరిగాక తొలిసారి

    వివాహం జరిగాక తొలిసారి

    ఇదంతా సమంత, నాగ చైతన్య నటిస్తున్న సినిమా షూటింగ్ లో భాగం. వివాహం జరిగిన తరువాత చైతు, సమంత తొలిసారి నటిస్తున్న చిత్రం ఇది. సింహాచలం రైల్వే స్టేషన్ లో కీలక సన్నివేశాలు చిత్రీకరిస్తున్నారు. సమంత హడావిడిగా పరిగెత్తింది టికెట్ కొనుక్కోవడానికి కాదు. టికెట్ ఇవ్వడానికి. సమంత ఈ చిత్రంలో రైల్వే బుకింగ్ కౌంటర్ ఉద్యోగి పాత్రలో నటిస్తోంది. చైతు సమంత భర్త పాత్రలో నటిస్తున్నాడు.

    కిక్కిరిసిపోయిన రైల్వే స్టేషన్

    కిక్కిరిసిపోయిన రైల్వే స్టేషన్

    సమంత, చైతు షూటింగ్ కోసం వస్తున్నారని తెలియడంతో రైల్వే స్టేషన్ ప్రాంతం మొత్తం జనంతో కిక్కిరిసిపోయింది. సమంత, చైతు వివాహం జరిగిన తరువాత తొలిసారి తమ నిర్మాణంలో నటిస్తుండడం సంతోషంగా ఉందని నిర్మాత హరీష్ తెలిపారు. కృష్ణార్జున యుద్ధం తరువాత మరోమారు సింహా చలంలో షూటింగ్ చేయడం రెండవ సారి అని ఆయన అన్నారు.

    కుటుంబ కథాచిత్రం

    కుటుంబ కథాచిత్రం

    క్రేజీ కాంబినేషన్లో తెరక్కుతున్న ఈ చిత్రం పూర్తి స్థాయిలో కుటుంబ అంశాలతో రూపొందిస్తున్నారు. నిన్నుకోరి ఫేమ్ శివ నిర్వాణ ఈ చిత్రానికి దర్శకుడు. వచ్చే ఏడాది ఈ చిత్రం ప్రేక్షకుల ముందుకు రానుంది. షూటింగ్ నేపథ్యంలో సింహాచలం రైల్వే స్టేషన్లో పోలీసులు భారీ భద్రత కల్పించారు. ఏ మాయ చేశావే, మనం, ఆటోనగర్ సూర్య వంటి చిత్రాల తరువాత మరోమారు చైతు, సమంత జంటగా నటిస్తున్నారు.

    English summary
    Naga Chaitanya drops Samantha at Simhachalam Railway station. Here is the details
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X