నాగచైతన్య 'జోష్'కు 4 కోట్లు

యువసామ్రాట్ నాగార్జున వారసుడు నాగచైతన్య 'జోష్' చిత్రం ద్వారా తెరంగేట్రం చెయ్యబోతున్న విషయం తెలిసిందే..నూతన దర్శకుడు వాసువర్మ దర్శకత్వంలో దిల్ రాజు నిర్మించిన ఈ చిత్రం సెప్టెంబరు 3న విడుదల కాబోతోంది. ఇప్పటికే విడుదలైన ఈ చిత్ర ఆడియో మంచి ఆదరణ పొందుతోంది. సందీప్ చౌతా సంగీతాన్ని అందించారు.

ఇక ఈ చిత్రానికి నాగచైతన్య అందుకున్న పారితోషికం అక్షరాలా 4 కోట్లు అని విశ్వసనీయ సమాచారం. నాగార్జున పారితోషికం విషయంలో ఎలాంటి అభిప్రాయం వ్యక్తం చెయ్యనప్పటికీ దిల్ రాజే ఈ మొత్తాన్ని నిర్ణయించినట్టు సమాచారం. టాలీవుడ్ లో ఎస్టాబ్లిష్డ్ హీరోలు అందుకునే పారితోషికం తన మొదటి సినిమాతోనే అందుకున్నారు చైతన్య.

ఇందులో నాగచైతన్యకు జోడీగా అలనాటి కథానాయిక రాధ కుమార్తె కార్తిక నటించింది. జె.డి.చక్రవర్తి ప్రతినాయకుడుగా నటించాడు.