హోమ్

న్యూస్

'ఆకాశమంత', 'గగనం' చిత్రాల దర్శకుడు రాధామోహన్ దర్శకత్వంలో నాగచైతన్య ఓ సినిమా చేయబోతున్న విషయం తెలిసిందే. దీని ద్వారా చైతన్య తమిళంలోకి అడుగుపెట్టే అవకాశాలున్నాయ. ఈ సినిమాకి 'గౌరవం' అనే పేరు పరిశీలనలో ఉంది. ఈ మేరకు చర్చలు జరుగుతున్నట్లు వినిపిస్తోంది. ఇప్పటికే నాగచైతన్యని, నాగార్జునని కలిసిన రాధా మోహన్ స్టోరీ లైన్ వినిపించి ఓకే చేయించుకున్నట్లు చెప్తున్నారు. సెన్స్ బుల్ గా నడిచే డ్రామాతో ఈ చిత్రం రూపొందనుందని తెలుస్తోంది.ప్రస్తుతం నాగచైతన్య రామ్ గోపాల్ వర్మ నిర్మిస్తున్న బెజవాడ చిత్రంలో చేస్తున్నారు. అనంతరం ప్రస్దానం దర్శకుడు దేవకట్టాతో ఆటోనగర్ సూర్య చిత్రం చేస్తున్నారు. బెజవాడ చిత్రంని అక్టోబర్ 21న విడుదల చేయాలని ఫిక్స్ చేసినట్లు విశ్వసనీయ సమాచారం. ఇక ఈ చిత్రం ఎనభైల్లోనూ,తొంభైల్లోనూ విజయవాడలో జరిగిన కాస్ట్ పాలిటిక్స్, యూనియన్ ఇష్యూల చుట్టూ తిరుగుతుంది.

నాగచైతన్య 'బెజవాడ"గురించి మాట్లాడుతూ -''రామ్ ‌గోపాల్‌ వర్మ ఈ ప్రాజెక్ట్ గురించి చెప్పినప్పుడు ఎంతో ఎక్సైట్ అయ్యాను. ఇందులో నా క్యారెక్టరైజేషన్ చాలా కొత్తగా ఉంటుంది. దర్శకుడు వివేక్ అద్భుతంగా సినిమాను తీస్తున్నారు. నా కెరీర్‌కి ఈ సినిమా ఓ టర్నింగ్ పాయింట్ అవుతుంది" అన్నారు. ఈ చిత్రం చుట్టూ ఇప్పటికే చాలా కాంట్రావర్శీ పేరుకుంది. వర్మ ఈ చిత్రం టైటిల్ వివాదంతో సినిమా ప్రారంభించి క్రేజ్ తెచ్చే ప్రయత్నం చేస్తున్నారు. ఈ చిత్రంలో హీరోయిన్ గా నాన్న ఫేమ్ అమలా పౌల్ ని ఎంపిక చేసారు. ఇక ఈ చిత్రానికి సంగీతం: అమర్ మొహ్లే, బప్పీటూటిల్, విశాల్, విక్రమ్, నేగి, ప్రదీప్ కోనేరు, ధరమ్ సందీప్, కెమెరా: ఎస్.కె.ఎ.భూపతి, ఆర్ట్: కృష్ణమాయ, సమర్పణ: వందిత కోనేరు.