నాగ చైతన్య ‘బెజవాడ’ ప్యాకప్

నాగ చైతన్య హీరోగా రూపొందుతున్న సినిమా 'బెజవాడ". ఈ సినిమాలో చైతు సరసన అమలపాల్ నటిస్తుండగా, రామ్ గోపాల్ వర్మ శిష్యుడు వివేక్ కృష్ణ దర్శకత్వం వహిస్తున్నారు. రామ్ గోపాల్ వర్మ, కిరణ్ కుమార్ కోనేరు సంయుక్తంగా శ్రేయ ప్రొడక్షన్స్ బ్యానర్ పై ఈ సినిమాను నిర్మిస్తున్నారు. ఈ సినిమా షూటింగ్ పార్టును పూర్తి చేసుకుని పోస్టు ప్రొడక్షన్ వర్క్ లోకి ఎంటరైంది. నవంబర్ 3న సినిమాను విడుదల చేసేందుకు సన్నాహాలు చేస్తున్నారు.

ఈ సినిమా తొలి నుంచి వివాదాల చుట్టూ తిరుగుతుంది. తొలుత ఈ సిసిమా పేరు బెజవాడ రౌడీలు అని పెట్టగా...విజయవాడ స్థానికుల ఆందోళన మేరకు సినిమా టైటిల్ నుంచి రౌడీలు అనే పదాన్ని తొలగించారు. నాగచైతన్య ఇందులో పవర్ ఫుల్ స్టూడెంట్ లీడర్ గా కనిపించబోతున్నారు. రౌడీయిజం, రాజకీయాలను బేస్ చేసుకుని ఈ సినిమా రూపొందుతోంది. ఈ సినిమాలో ఇంకా కోట శ్రీనివాసరావు, అభిమన్యు సింగ్, ఆహుతి ప్రపసాద్, సుభలేక సుధాకర్ తదితరులు నటిస్తున్నారు. విజయవాడలో గతంలో రాజ్యమేలిన రౌడీ రాజకీయాలను, హింసను బేస్ చేసుకుని ఈ సినిమా రూపొందుతోందని ప్రచారం జరుగడంతో సర్వత్రా 'బెజవాడ" పై ఆసక్తి నెలకొంది.