హోమ్

న్యూస్

మహేష్ బాబు,భూమిక కాంబినేషన్లో వచ్చిన ఒక్కడు చిత్రంలోని నువ్వేం మాయ చేసావో గానీ అనే పాపులర్ సాంగ్ చరణం త్వరలో టైటిల్ గా వినపడనుంది. నాగచైతన్య,గౌతం మీనన్ దర్శకత్వంలో రూపొందుతున్న చిత్రానికి ఈ టైటిల్ ని నిర్ణయించారని సమాచారం. ఇంతకుముందు జెస్సీ అనీ, నాతో రా అనే రకరకాల టైటిల్ అనుకున్నారు. అయితే చివరకు ఈ టైటిల్ దగ్గర ఆగినట్లు తెలుస్తోంది. ఈ చిత్రంలో నాగచైతన్య అసెస్టింట్ డైరక్టర్ గా చేస్తున్నారు. సమంతా అనే మోడల్ ఈ చిత్రంలో హీరోయిన్ గా పరిచయం అవుతోంది. అలాగే ఎ.ఆర్.రహమాన్ ఈ చిత్రానికి సంగీతం అందిస్తున్నారు. పిబ్రవరి 14న రిలీజ్ చేసే ప్లానింగ్ లో ఉన్నారు. మహేష్ సోదరి మంజుల ఈ చిత్రాన్ని నిర్మిస్తోంది. ఇక నాగచైతన్య తన మూడో చిత్రానికి అజయ్ అనే నూతన దర్శకుడుని పరిచయం చేయటానికి ముందుకొచ్చాడు.ఈ చిత్రం నాగార్జున హోమ్ బ్యానర్ కామాక్షి కళా మందిర్ బ్యానర్ పై రూపొందటానికి రెడీ అవుతోంది. ప్రస్తుతం ఈ మేరకు కథా చర్చలు జరుగుతున్నాయి. ఇక నాగార్జున కూడా తన లేటెస్ట్ కేడీ చిత్రానికి కిరణ్ అనే నూతన దర్శకుడుని పరిచయం చేస్తున్నాడు. అలాగే నాగచైతన్య,అజయ్ కాంబినేషన్ చిత్రం జనవరి 2010లో ప్రారంభం కానుంది.