హైపర్ ఆదిపై దారుణమైన కామెంట్స్.. అలా అంటూ పరువుదీసిన నాగబాబు

ఒకప్పుడు అలా..

ఒకప్పుడు జబర్దస్త్ షోలో నాగబాబు ఉన్న సమయంలో హైపర్ ఆది ఎంతో విధేయుడిగా ఉండేవాడు. హైపర్ ఆది తన స్కిట్లలో నాగబాబుపై భక్తి భావం, భజన అన్నీ కనిపించేవి. కానీ ఒక్కసారి నాగబాబు జబర్దస్త్ నుంచి బయటకు వెళ్లడంతో పంచ్‌లు వేయడంప్రారంభించాడు. అదిరింది, బొమ్మ అదిరింది షోల మీద ఆది బాగానే పంచ్‌లు వేశాడు.

వ్యవహారం చెడిందా?

అదిరింది షోకు నాగబాబు వెళ్లినప్పుడు తనతో పాటు హైపర్ ఆది, సుధీర్ వంటి వారిని తనతో పాటు తీసుకెళ్లాలని చూశాడు. వస్తారని నాగబాబు కూడా ఆశించినట్టున్నాడు. కానీ బాండ్, అగ్రిమెంట్స్ వటివాళ్ల వారంతా రాలేకపోయారు. అలా నాగబాబు వారి మధ్య కాస్త గ్యాప్ వచ్చినట్టుందని అంతా అనుకున్నారు.

తాజాగా అలా..

నాగాబాబు ఈ మధ్య సోషల్ మీడియాలో తన ఫాలోవర్లతో తెగ ఇంటరాక్ట్ అవుతున్నాడు. ఈ క్రమంలో జబర్దస్త్ ఆర్టిస్ట్‌ల గురించి ఎదురయ్యే ప్రశ్నలకు వెరైటీగా సమాధానాలు ఇస్తుంటాడు. మొన్నామధ్య సుధీర్ గురించి అడిగితే.. ఏ సుధీర్ అని అడిగేశాడు. తనకెప్పుడూ కూడా గెటప్ శ్రీనుయే ఫేవరేట్ అని నాగబాబు ఓ ప్రశ్నకు సమాధానం ఇచ్చాడు.

హైపర్ ఆదిపై ఇలా..

తాజాగా నాగబాబు హైపర్ ఆది గురించి స్పందించాడు. హైపర్ ఆది గురించి ఏదైనా చెప్పండి అని ఓ నెటిజన్ అడిగాడు. అతను ఓకే కానీ అతను తన కామెడీలో అప్డేట్ అవ్వాలి.. అని చెప్పేశాడు. అంటే హైపర్ ఆది ఎప్పుడూ అదే రొట్ట కామెడీ చేస్తున్నాడనే ఉద్దేశ్యంలో ఇలాంటి కామెంట్ చేశాడని నెటిజన్లు అంటున్నారు.