కష్టసుఖాల్లో తోడు నిలిచారు.. నేను గర్వించే రోజు ఇది.. సోదరులపై నాగబాబు ఎమోషనల్ ట్వీట్

సోదరుల కోసమే..

మెగా బ్రదర్ నాగబాబు ఇప్పటికే ఎన్నో ఇంటర్వ్యూలో తన వ్యక్తిగత జీవితం గురించి చెప్పుకొచ్చాడు. కెరీర్ స్టార్టింగ్‌లో తన కోసమంటూ ఏదీ చూసుకోలేదని, చిరంజీవి వెంటే ఉంటే ఆయన వ్యవహారాలు చూసుకునేవాడినని ఇది వరకే పేర్కొన్నాడు. వేరే లోకమంటూ ఏది లేకుండా ఉండేవాడినని, ఎప్పుడూ కూడా తనకంటూ ఓ జీవితం ఉందని గుర్తుకు వచ్చేది కాదని తెలిపాడు.

అన్నీ నష్టాలే..

అన్నదమ్ములిద్దరూ సినిమాల్లో హీరోగా ఉండగా.. నాగబాబు నిర్మాణ రంగంలోకి వచ్చాడు. అంజనా ప్రొడక్షన్స్ పెట్టి కొన్నిచిత్రాలను నిర్మించారు. అది కూడా చిరంజీవి సలహా మేరకు అటువైపుగా వచ్చానని చెబుతూ ఉండేవాడు. అయితే ఆ బ్యానర్‌లో నిర్మించిన చిత్రాలు కమర్షియల్‌గా వర్కౌట్ అయ్యేవి కాదు.

ఆ సినిమాతో పూర్తిగా..

రామ్ చరణ్ హీరోగా వచ్చిన ఆరెంజ్ సినిమాతో నాగబాబు పూర్తిగా నేలకూలిపోయాడు. ఆ సమయంలో ఆత్మహత్య అనే ఆలోచన వచ్చిందని, ఆ విషయం తెలుసుకుని చిరంజీవి, పవన్ కళ్యాణ్ ఇద్దరూ డబ్బును సర్దేశారని అలా తన ప్రాణాలను కాపాడరని నిరంతరం చెబుతూనే ఉంటాడు. అక్కడి నుంచి కెరీర్‌ను జాగ్రత్తగా ప్లాన్ చేసుకుంటూ వచ్చిన నాగబాబు ప్రస్తుతం సెటిలయ్యాడు.

Recommended Video

Nathuram Godse Has Patriotism, Media Didn't Project His View That Time: Nagababu

నాగబాబు ఎమోషనల్ ట్వీట్..

అందుకే నేటి బ్రదర్స్ డే సందర్భంగా నాగబాబు తన సోదరులను గుర్తు చేసుకుంటూ ఎమోషనల్ అయ్యాడు. ‘సోదరుల దినోత్సవమనేది నేను గర్వించే రోజు. మా సోదరులుండే విధానం నాకిష్టం. కష్టసుఖాల్లో మంచి చెడులన్నింట్లో తోడు నిలిచిన మా సోదరులు చిరంజీవి, పవన్ కళ్యాణ్‌కు ఈ సందర్భంగా థ్యాంక్స్ చెప్పాలనుకుంటున్నాను' అని ట్వీట్ చేశాడు.