Click it and Unblock the Notifications
ఫ్యాన్స్ ఏం చేయలేరు!...పవన్ను ఇమిటేట్ చేస్తున్న నాగబాబు
ఒక రకంగా చెప్పాలంటే...ప్రస్తుత పరిస్థితిలో తెలుగు సినిమా ఇండస్ట్రీ పాలిట కలెక్షన్ల దేవుడిగా మారాడు పవన్ కళ్యాణ్. పవన్ కళ్యాణ్కు ఉన్నంత ఫ్యాన్ ఫాలోయింగ్ తెలుగులో మరే హీరోకు కూడా లేదని చెప్పడంలో ఎలాంటి సందేహం లేదు. పవన్ అంటే వారికి ఎంత వీరాభిమానం అంటే....ఆయనపై ఇతర సినిమాల్లో ఏమైనా పంచ్ డైలాగ్ వచ్చినా తట్టుకోలేనంతగా....
ఆ మధ్య 'ఇద్దరమ్మాయిలతో' చిత్రంలో పవర్ కళ్యాణ్పై సెటైర్ వేసేలా డైలాగ్ ఉండటంతో దర్శకుడు పూరి జగన్నాథ్పై అభిమానులు ఆగ్రహం వ్యక్తం చేసిన సంగతి తెలిసిందే. ఇలాంటి పరిస్థితుల నేపథ్యంలో పవన్ కల్యాణ్ను ఇమిటేట్ చేస్తూ ఏమైనా సీన్లు చేద్దామన్నా చేయలేని పరిస్థితి.
ఆరెంజ్ సినిమా భారీ నష్టాలతో నిర్మాత అవతారన్ని చాలించిన పవన్ సోదరుడు నాగబాబు ప్రస్తుతం నటుడిగా నిలదొక్కుకునే ప్రయత్నం చేస్తున్నారు. దీంతో సరికొత్త ప్లాన్లతో ముందుకు వస్తున్నారు పలువురు ఫిల్మ్ మేకర్స్. పవన్ కళ్యాణ్ను ఇమిటేట్ చేస్తూ చేసే సీన్లకు, పవన్ కళ్యాణ్ పేరు వాడుకుని కామెడీ పండించే సీన్లకు నాగబాబును ఎంచుకుంటున్నారు. నాగబాబుతో ఇలాంటి పాత్రలు చేయించడం వల్ల పవన్ అభిమానులు ఎలాంటి అభ్యంతరాలు చెప్పకుండా అదుపులో పెట్టడంతో పాటు భారీగా ఆడియన్స్ను థియేటర్లకు రప్పించ వచ్చనేది వారి ఆలోచనగా కనిపిస్తోంది.
ఆ మధ్య ఓ సినిమాలో నాగబాబు 'టవర్ స్టార్..ఫ్యాన్ ఆఫ్ పవర్ స్టార్' పాత్రలో కామెడీ పండించిన సంగతి తెలిసిందే. తాజాగా 'చూసినోడికి చూసినంత' చిత్రంలో నాగబాబు గౌతం నందా పాత్రలో కనిపించబోతున్నారు. 'అత్తారింటికి దారేది' చిత్రంలో పవన్ పోషించిన గౌతం నందా పాత్రను ఇమిటేట్ చేస్తూ ఈ పాత్ర ఉండనుందట.
Continue with Google