Don't Miss!
- Sports రోహిత్ శర్మ ప్లేస్లో..!!
- News Money astrology March 29th: ఈ రాశులవారికి ధనలక్ష్మీ కటాక్షం!!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బుల్లితెరపై నాగబాబు పని ఖతం!.. ఇకపై అక్కడే మెగా బ్రదర్ రచ్చ
మెగా బ్రదర్ నాగబాబు సోషల్ మీడియాలో ఎంత యాక్టివ్గా ఉంటాడో అందరికీ తెలిసిందే. ఒకప్పుడు వెండితెరపై నిర్మాతగా నటుడిగా తన సత్తాను చాటుకున్నాడు. అయితే మెగా బ్రదర్ స్థాయిలో నిర్మాతగా, నటుడిగా తగినంత గుర్తింపు రాలేదనే చెప్పవచ్చు. నిర్మాతగా జాతీయస్థాయిలో అవార్డులు తెచ్చిపెట్టిన చిత్రాలను నిర్మించాడు. నటనతో అందరినీ ఏడిపించేశాడు. కానీ ఆరెంజ్ లాంటి చిత్రంతో నాగబాబు మొత్తం మునిగిపోయాడు. అలా వెండితెర నుంచి బుల్లితెరకు పడిపోయాడు.
ఆరెంజ్ నష్టాలు..
నాగబాబు నిర్మించిన ఆరెంజ్ సినిమా ఎంతలా నష్టాలను తీసుకొచ్చిందో అందరికీ తెలిసిందే. అనుకున్న దానికంటే ఎక్కువగా బడ్జెట్ పెరగడం, ఎక్కువగా నష్టాలను మిగల్చడంతో నాగబాబు పరిస్థితి తారుమారైంది. ఆరెంజ్ కష్టాలను, నష్టాలను తీర్చేందుకు చిరంజీవి, పవన్ కళ్యాణ్ కదిలి వచ్చారు.
బుల్లితెరపై మెల్లిగా..
ఆరెంజ్ తరువాత నాగబాబు సినిమాలను తీయడమే ఆపేశాడు. అలా వెండితెరను వదిలేసి బుల్లితెరపై మళ్లీ కెరీర్ కొత్తగా ప్రారంభించాడు నాగబాబు. సీరియల్స్లో నటిస్తూ.. సినిమాల్లో అప్పుడప్పుడూ కనిపిస్తూ మెల్లిగా తన ఆదాయాన్ని పెంచుకున్నాడు.
కామెడీ షోలకు జడ్జ్గా..
ఇక సీరియల్స్తో పాటు కామెడీ షోలకు జడ్జ్లుగా వ్యవహరించడం ప్రారంభించాడు. అదుర్స్ అంటూ వచ్చినషోలో నాగబాబు బాగానే క్లిక్ అయ్యాడు. అలా జబర్దస్త్ షోలోకి నాగబాబు ఎంట్రీ ఇచ్చాడు. అప్పటి నుంచి నాగబాబు కెరీర్ పూర్తిగా మారిపోయింది. దాదాపు ఆరేళ్ల అనుబంధంతో జబర్దస్త్తో ఉంది.
అదిరిందిలోకి.
దాదాపు ఆరేళ్ల జబర్దస్త్ అనుబంధాన్ని కాదనుకుని.. అదిరింది అంటూ జీ తెలుగులో కొత్త షోను ప్రారంభించారు. అది కొన్ని వారాలు బాగానే నడిచింది. అదిరిందిని బొమ్మ అదిరిందిగా మార్చారు. కానీ అది కూడా వర్కవుట్ అవ్వలేదు. దెబ్బకు మూలన పడింది. ఆ షో ఛాయలు కూడా ఇప్పుడు కనిపించడం లేదు.
గుడ్ బై చెప్పేశాడా?
అయితే ఇప్పుడు బుల్లితెరపై నాగబాబు కనిపించడం లేదు.తన ఫోకస్ మొత్తం తన యూట్యూబ్ చానెల్ మీద పెట్టేశాడు. అందుకే అదిరింది టీంను స్టార్ మాలోని కామెడీ స్టార్స్ అనే కొత్త షోకి వెళ్లినా అడ్డు చెప్పలేదని తెలుస్తోంది. గల్లీబాయ్స్, చమ్మక్ చంద్ర వంటి వారంతా కూడా స్టార్ మా కామెడీ స్టార్స్ కొత్త షోలో కనిపించారు. నాగబాబు మాత్రం ఇక బుల్లితెరకు వీడ్కోలు చెప్పి తన యూట్యూబ్ చానెల్ స్టాండప్ కామెడీని నమ్ముకున్నట్టు కనిపిస్తోంది.