ఈ దాడి సహించం: చీపురుతో కొడుతున్న వీడియోతో నాగబాబు సంచలనం!

విదేశీయులు ఆసక్తి చూపుతుంటే మీరేంటి ఇలా?

మన భారత దేశంలో నాస్తిక వాదం, హేతువాదం ఇలా రకరకాల పిచ్చి పిచ్చి మాటలు మాట్లాడుకుంటూ వారి వాదాన్ని వ్యాప్తి చేసుకుంటున్నారు. అలా చేసుకుంటూ హిందూ దేవుళ్లను, హిందూ మతాన్ని, హిందూ సంస్కృతిని ధ్వంసం చేయడానికి పూనుకున్నటువంటి వ్యక్తులు మన దేశంలోనే ఉన్నారు... అని నాగబాబు ఫైర్ అయ్యారు.

ఈ కుర్రాడిని చూసి నేర్చుకోండి

మన దేశంలోని వారు కొందరు మన సంస్కృతి మీద దాడి చేస్తుంటే .... చాలా మంది విదేశీయులు మన సంస్కృతి మీద ఆసక్తి, గౌరవం చూపుతున్నారు. అందుకు ఈ కుర్రాడే సాక్ష్యం.... అంటూ నాగబాబు ఓ వీడియోను పోస్టు చేశారు.

చీపురుతో కొడుతున్న వీడియో పోస్టు చేసిన నాగబాబు

ఈ సందర్భంగా నాగబాబు తన ఫేస్‌బుక్ పేజీలో ఓ స్వామీజీ కొందరిని చీపురుతో కొడుతున్న వీడియోను పోస్టు చేయడం చర్చనీయాంశం అయింది. స్వామి తమరు ఎప్పుడు ఆంధ్రప్రదేశ్ కు వస్తారు ఇక్కడ చాలామందికి ఇలాంటి ఆశీర్వాదం కావాలి అని నాగబాబు పేర్కొనడం గమనార్హం.

లండన్లో ఉండటం వల్ల రాలేక పోయాను

హిందూ ధర్మాగ్రహ యాత్రకి అందరు హాజరు కావాలని, హిందువుల ఐకమత్యం చూపాలని నాగబాబు కోరారు. అయితే తాను షూటింగ్ నిమిత్తం లండన్లో ఉండటం వల్ల వెళ్లలేక పోయాను అని ఆయన మరో వీడియోలో వెల్లడించారు.