నాగచైతన్య హీరోయిన్ కాజల్ అగర్వాల్

నాగ చైతన్య తదుపరి చిత్రంలో హీరోయిన్ ఖచ్చితంగా కాజల్ అగర్వాలేనని తెలుస్తోంది. కామాక్షి కళా మూవీస్ పతాకంపై డి శివప్రసాద రెడ్డి ఈ సినిమా నిర్మిస్తున్నారు. నాగచైతన్యతో ఈ సినిమాకు సంబంధించిన ప్రకటన డిసెంబర్ లోనే అధికారికంగా వచ్చింది. హీరోయిన్ ను మాత్రం ఇప్పుడు ఖరారు చేశారు. మార్చిలో ఈ సినిమా షూటింగ్ ప్రారంభమవుతుంది.

ఈ సినిమాకు ఇంకా టైటిల్ ఖరారు చేయలేదు. కొత్త దర్శకుడు అజయ్ భూయాన్ దర్శకత్వం వహిస్తున్నారు. అజయ చంద్ర సిద్ధార్ధ నిర్మించిన 'హౌస్ ఫుల్' చిత్రానికి దర్శకత్వం వహించారు. నాగార్జునతో ఇదే బ్యానర్ తీసిన సినిమా త్వరలో విడుదల కానుంది. వారి రెండో సినిమా నాగ చైతన్యతోనే. నాగ చైతన్య సినిమా జులై నెలలో విడుదల కావచ్చు.