For Quick Alerts
    ALLOW NOTIFICATIONS  
    For Daily Alerts

    ప్రళయం సంభవిస్తుందనే అంశంతో... : నాగార్జున

    By Srikanya
    |

    హైదరాబాద్ : గ్రహాలన్నీ ఒక చోటకి వస్తే ఎలాంటి ప్రళయం సంభవిస్తుందనే ఆసక్తికర అంశంతో మా చిత్రం తయారువుతోంది. 2012 తర్వాత యుగాంతం అనే అంశంతో మనకి కొన్ని సినిమాలు వచ్చాయి. ఇది కూడా ఆ తరహా కథాంశంతో రూపొందుతున్న సినిమా అంటున్నారు నాగార్జున. నాగార్జున, అనుష్క జంటగా రూపొందుతున్న సోషియో ఫాంటసీ చిత్రం 'డమరుకం'. ఆర్.ఆర్. మూవీమేకర్స్ పతాకంపై వెంకట్ నిర్మిస్తున్న ఈ చిత్రానికి శ్రీనివాసరెడ్డి దర్శకుడు.

    అలాగే "చందమామ, అమరచిత్రకథల తరహాలో ఉండే కథ 'డమరుకం'. కథ చాలా బాగుంటుంది. ప్రేక్షకులకి చాలా ఆసక్తికరంగా ఉంటుంది. కంప్యూటర్ గ్రాఫిక్స్ కారణంగానే ఈ సినిమా విడుదల ఆలస్యమైంది. ఈ విషయంలో నిర్మాత వెంకట్ ఏ మాత్రం రాజీ పడకుండా గొప్పగా గ్రాఫిక్స్ చేయించారు. సెప్టెంబర్‌లో ఆడియో, అక్టోబర్‌లో సినిమా విడుదలవుతాయి. నాకు ఇది తొలి సోషియో ఫాంటసీ. పైగా నాకు తెలిసి తెలుగులో ఈ తరహా సినిమా ఎవరూ చేయలేదు'' అని నాగార్జున చెప్పారు.

    కె. అచ్చిరెడ్డి సమర్పిస్తున్న ఈ చిత్రం ఓ పాట మినహా షూటింగ్ పూర్తయైంది. ఈ చిత్రాన్ని అక్టోబర్‌లో విడుదల చేయడానికి సన్నాహాలు జరుగుతున్నాయి. ఈ సినిమాలో ప్రకాశ్‌రాజ్, గణేశ్ వెంకట్రామన్, బ్రహ్మానందం, రఘుబాబు, ఎమ్మెస్ నారాయణ, జీవా, కృష్ణభగవాన్, బ్రహ్మాజీ, అవినాష్, దేవన్, గిరిబాబు, రామరాజు, దువ్వాసి మోహన్, ప్రగతి, రజిత, కవిత, గీతాంజలి, సత్యకృష్ణన్ తదితరులు తారాగణమైన ఈ చిత్రానికి కథ: వెలిగొండ శ్రీనివాస్, సంగీతం: దేవిశ్రీప్రసాద్, ఛాయాగ్రహణం: చోటా కె.నాయుడు, సహ నిర్మాత: వి. సురేశ్‌రెడ్డి.

    ప్రస్తుతం దశరథ్ దర్శకత్వంలో 'లవ్‌స్టోరీ' చిత్రంలో నటిస్తున్న అక్కినేని నాగార్జున అది పూర్తయిన వెంటనే 'భాయ్' అనే సినిమా చేయబోతున్నారు. 'అహ నా పెళ్లంట', 'పూలరంగడు' వంటి వరుస హిట్లతో అందరి దృష్టినీ ఆకట్టుకున్న వీరభద్రం చౌదరి ఈ సినిమాకి దర్శకుడు. దీనిని అన్నపూర్ణ స్టూడియోస్ బేనరుపై నాగార్జున స్వయంగా నిర్మించనున్నారు.

    English summary
    Damarukam is an upcoming Telugu socio-fantasy film directed by Srinivasa Reddy. Nagarjuna, Ganesh Venkatraman and Anushka Shetty play the lead roles in this film. The film features music by Devi Sri Prasad.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X