‘నరనారాయణ’: కృష్ణుడిగా బాలకృష్ణ, అర్జునుడిగా నాగార్జున...?

పౌరాణిక చిత్రం ‘నరనారాయణ'

బాలకృష్ణ, నాగార్జున కాంబినేషన్లో 'నరనారాయణ' అనే పౌరాణిక చిత్రం చేసేందుకు నిర్మాత అట్లూరి పుండరీకాక్షయ్య ప్రయత్నాలు చేస్తున్నారు. ఈ మేరకు ఆయన స్క్రిప్టు వర్క్ చేయిస్తున్నారు.

స్క్రిప్టు సిద్ధమైందన్న నవావధాని మీగడ రామలింగస్వామి

నవావధాని మీగడ రామలింగస్వామి ‘నరనారాయణ' సినిమా కోసం స్కిప్టు సిద్ధం చేశారు. ఇటీవల ఓ ఛానల్ ఇంటర్వ్యూలో ఆయన మాట్లాడుతూ.... నిర్మాత అట్లూరి పుండరీకాక్షయ్య కోరికపై నాగార్జున, బాలకృష్ణ కోసం ఈ స్క్రిప్టు రాశానని, ఇద్దరి సంభాషణల కోసం ఎన్నో సమాసాలను వాడామని, ఇటీవలే అది పూర్తయిందని తెలిపారు.

బాలయ్యకు కథ వివరించాం

ఇటీవలే ఈ ప్రాజెక్టును బాలయ్యకు వివరించానని రామలింగస్వామి తెలిపారు. త్వరలోనే ఈ ప్రాజెక్టుపై ఓ క్లారిటీ వస్తుందని ఆయన వెల్లడించారు.

ఈ ప్రాజెక్టు తెరపైకి ఎప్పుడు వస్తుందో?

అయితే ‘నరనారాయణ' సినిమా ఎప్పుడు తెరపైకి వస్తుంది? అనే విషయంమై సరైన సమాచారం లేదు. ప్రస్తుతం ఉన్న పరిస్థితుల్లో నాగార్జున-బాలకృష్ణ కాంబినేషన్ సాధ్యమేనా? అనేది ఇండస్ట్రీలో హాట్ టాపిక్ అయింది. కొంతకాలంగా ఈ ఇద్దరు అగ్రహీరోల మధ్య రిలేషన్ సరిగా లేదని టాక్.

బాలయ్య, నాగార్జున మధ్య విబేధాలు?

నాగార్జున, బాలకృష్ణ మధ్య విబేధాలు ఉన్నట్లు చాలా కాలంగా ఇండస్ట్రీలో ఓ రూమర్ ఉంది. ఇటీవల నాగ చైతన్య వెడ్డింగ్ రిసెప్షన్ కు కూడా బాలయ్య రాక పోవడంతో ఈ వార్తలకు మరింత బలాన్ని ఇచ్చింది.

కలిసి నటించాలని కోరుకుంటున్న ఫ్యాన్స్

మొదటి నుండి నాగార్జున, బాలకృష్ణ మధ్య మంచి స్నేహం ఉంది. అయితే ఆ మధ్య చోటు చేసుకున్న కొన్ని సంఘటనలే వీరి మధ్య దూరం పెంచిందని వినికిడి. అయితే అభిమానులు మాత్రం ఇద్దరూ కలిసి నటించాలని కోరుకుంటున్నారు. ‘నర నారాయణ' ప్రాజెక్టుతో అభిమానుల కోరిక తీరాలని ఆశిద్దాం.