నాగార్జున,దిల్ రాజు చిత్రం రిలీజ్ డేట్, ఓకే చేసిన టైటిల్

నాగార్జన హీరోగా దిల్ రాజు నిర్మిస్తున్న చిత్రానికి గగనం అనే టైటిల్ కన్ఫర్మ్ చేసారు. అలాగే ఈ చిత్రం విజయదశమికి రిలీజ్ చేయాలని ప్లాన్ చేస్తున్నామని దిల్ రాజు చెప్పారు. ఆయన ఈ విషయాన్ని తెలియచేయటానికి హైదరాబాద్ ఆర్ట్ గ్యాలరీలో మీడియా సమావేశం ఏర్పాటు చేసారు.ఈ సమావేశంలో హీరో నాగార్జున మాట్లాడుతూ..మేం టైటిల్ సూచించమని అభిమానులను కోరాం. వేలకొలది ఫ్యాన్స్ స్పందించి గగనం టైటిల్ బాగుందని ఓటు వేసారు.దాంతో దాన్నే ఫైనల్ చేసాం.ఇక ఈ చిత్రం కోసం రామోజీ ఫిల్మ్ సిటీలో ఎయిర్ ప్లేన్ సెట్ వేసి షూటింగ్ చేసాం. దాన్ని సినిమాలో చూసిన వారు సెట్ అంటే నమ్మలేనంతగా కుదిరింది అన్నారు.ప్రకాష్ రాజ్ మరో కీలకపాత్రలో కనిపించనున్న ఈ చిత్రాన్ని రాధామోహన్ దర్శకత్వం వహించారు.