నా ముద్దులు చూసి సమంత షాక్ అయింది.. చాలా సేపు గొనిగింది: నాగ్ ఇంట్రెస్టింగ్ కామెంట్స్

ఆ టైటిల్ ఎందుకు పెట్టారో..

ఈ ఇంటర్వ్యూలో నాగార్జున ‘మన్మథుడు' సినిమా గురించి మాట్లాడాడు. ‘ఆ సినిమా వచ్చి పదిహేడు సంవత్సరాలు అవుతోంది. అసలు నా సినిమాకు ఆ టైటిల్ ఎందుకు పెట్టారో ఇప్పటికీ అర్థం కాలేదు. విజయ్ భాస్కర్ గారికి ఈ ఆలోచన ఎలా వచ్చిందా అని నాకెప్పటి నుంచో డౌట్ ఉంది' అని ఆయన చెప్పుకొచ్చాడు.

నవ్వుతూనే ఉంటారు

అలాగే, సినిమా ఎలా ఉంటుందన్న దానిపై అక్కినేని నాగార్జున మాట్లాడారు. ‘సినిమా అంతా ఎంటర్‌టైన్‌మెంట్ ఉంటుంది. నాది, వెన్నెల కిశోర్ కాంబినేషన్ టామ్ అండ్ జెర్రీలా అనిపిస్తుంది. మొత్తంగా ‘మన్మథుడు 2' కుటుంబ సమేతంగా చూడదగిన సినిమా. ప్రారంభం నుంచి చివరి వరకు పొట్ట పట్టుకుని నవ్వుతూనే ఉంటారు' అని ఆయన వెల్లడించారు.

వాళ్ల దగ్గర కిస్‌ల గురించి చర్చించలేదు

ఈ సినిమా ట్రైలర్ చూసిన తర్వాత మీ పిల్లలు ఎలా రియాక్ట్ అయ్యారని సుమ అడిగిన ప్రశ్నకు.. ‘వాళ్లందరికీ బాగా నచ్చింది.. చాలా ఫన్నీగా ఉంది నాన్నా అన్నారు. అంతేకానీ, ట్రైలర్‌లో ఉన్న కిస్‌లు గురించి వాళ్లు పెద్దగా చర్చించలేదు. నేను వాళ్లను అడగడం బాగోదు కదా' అని నాగ్ వివరించాడు.

సమంత షాక్

పిల్లల రియాక్షన్ తెలిసింది. మరి కోడలు సమంత ఎలా రెస్పాండ్ అయింది అని సుమ అడగ్గానే.. ‘సమంత రియాక్షనా.. ఫస్ట్ చూసింది కానీ, ఆమెకు నచ్చలేదు. మా మామను ఇలా చూస్తానని అనుకోలేదంటూ షాక్ అయ్యింది. చాలా సేపు ఏదేదో గొనిగింది. ఆ తరువాత నువ్వు చూసే కోణం మార్చుకో అని చెప్పడంతో మరోసారి చూసింది. అప్పుడు బాగుంది మామా అని చెప్పింది' అని నాగ్ అన్నాడు.