Don't Miss!
- News జగన్ సోషల్ ఇంజనీరింగ్ లెక్కలకు ఎన్డీయే కూటమి సవాల్ ఇలా..!
- Technology వన్ప్లస్ నార్డ్ CE 4 ధరల వివరాలు లీక్.. గత మోడల్ కంటే తక్కువ ధరకే అందుబాటులోకి..!
- Sports Kavya Maran: తిలక్ వర్మ..నీకు దండంరా బాబు! video
- Finance Stock Market: భారీ లాభాల్లో విహరిస్తున్న సెన్సెక్స్-నిఫ్టీ.. అంతా బుల్స్ హవాతోనే..
- Automobiles ఫ్రీ బస్సులో వాటికి ప్రత్యేకంగా సీటు.. బామ్మ, మనవరాలికి షాక్ ఇచ్చిన బస్ కండక్టర్..
- Lifestyle Car Vastu Tips: కారు ఉందా అయితే ఈ వాస్తు నియమాలు పాటించండి..ఈ డైరెక్షన్ లో పార్క్ చేస్తే
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
అలాంటివంటేనే ఇష్టం.. ట్రై చేస్తే వర్కవుట్ కాలేదు.. తప్పు చేశా: నాగార్జున
టాలీవుడ్ మన్మథుడు నాగార్జున వెండితెర, బుల్లితెరలపై హవా సాగిస్తున్నాడు. వరుస సినిమాలతో వెండితెరపై ఓ వెలుగు వెలుగుతూ బుల్లితెరపై కూడా కనువించు చేస్తున్నాడు. ఇక లుక్ పరంగా అయితే యంగ్ హీరోలు అవాక్కయ్యే విధంగా మేకోవర్ అయ్యాడు నాగార్జున. యువ హీరోలకు పోటీగా నిలుస్తూ తాజాగా మన్మథుడు 2 సినిమాతో ప్రేక్షకుల ముందుకొచ్చేందుకు రెడీ అయ్యాడు. ఈ సినిమా ప్రమోషన్స్లో భాగంగా ఓ మీడియా సంస్థతో మాట్లాడిన నాగార్జున తన కెరీర్కి సంబందించిన ఆసక్తికర విషయాలు చెప్పాడు.
రకుల్తో నాగార్జున రొమాన్స్
నాగార్జున తాజా సినిమా మన్మథుడు 2 లో రకుల్ ప్రీత్ సింగ్తో తెగ రొమాన్స్ చేసేశాడు. ఈ సినిమాలో నాగార్జున, రకుల్ రొమాంటిక్ డోస్ ఎలా ఉంటుందనేది ఇప్పటికే విడుదలైన అప్డేట్స్ ద్వారా తెలిసిపోయింది. దీంతో మన్మథుడు 2 విడుదల కోసం ఆసక్తిగా ఎదురుచూస్తున్నారు యూత్ ఆడియన్స్.
నాగార్జున షాకింగ్ మేకోవర్
ఇక మన్మథుడు 2 ప్రోమో వీడియోల్లో నాగార్జున మేకోవర్ చూసి షాక్ అవుతోంది సినీ లోకం. ఆరు పదుల వయసులోనూ వన్నె తరగని అందంతో చలాకీగా కనిపిస్తున్నాడు నాగ్. పైగా ఈ వయసులో `మన్మథుడు2` అనే రొమాంటిక్ లవ్స్టోరీ ద్వారా ప్రేక్షకుల ముందుకొచ్చేందుకు రెడీ అయ్యాడు.
అలాంటివంటేనే ఇష్టం అంటున్న నాగ్
నాగార్జున తన కెరీర్ లో ఎన్నో డిఫెరెంట్ క్యారెక్టర్స్ చేశాడు. దేనికవి ప్రత్యేకమే. కానీ.. ఎన్ని క్యారెక్టర్స్ చేసినా తనకు మాత్రం సీరియస్గా సాగే సినిమాలంటే నచ్చదని అంటున్నాడు నాగార్జున. తాను ఫన్నీగా, రొమాంటిక్గా ఉండే సినిమాలనే ఇష్టపడతానని తాజా ఇంటర్వ్యూలో ఆయన పేర్కొన్నాడు.
ట్రై చేశా, వర్కవుట్ కాలేదు.. తప్పు చేశా
తన కెరీర్లో క్యారెక్టర్స్ విషయమై చాలా ప్రయోగాలు చేశానని అంటున్నాడు నాగ్. అయితే ఈ జర్నీలో కొన్ని తప్పులు కూడా చేశానని, వాటి నుంచి చాలా నేర్చుకున్నానని నాగ్ చెప్పుకొచ్చాడు. ద్విభాషా సినిమాలు చేసి మార్కెట్ పెంచుకోవాలని ఉందని, గతంలో కొన్నిసార్లు ఇలాంటి ప్రయోగాలు చేసినా పెద్దగా వర్కవుట్ అవలేదని నాగార్జున అన్నాడు.
మన్మథుడు 2 మూవీ
రాహుల్ రవీంద్రన్ దర్శకత్వంలో నాగార్జున హీరోగా 'మన్మథుడు 2' మూవీ తెరకెక్కింది. గతంలో నాగార్జున కెరీర్ లో సూపర్ డూపర్ హిట్గా నిలిచిన మన్మథడు చిత్రానికి కొనసాగింపుగా ఈ చిత్రాన్ని రూపొందించారు. ఈ చిత్రంలో నాగార్జున సరసన యంగ్ హీరోయిన్ రకుల్ ప్రీత్ సింగ్ ఆడిపాడింది. సమంత, కీర్తి సురేష్, వెన్నెల కిషోర్ కీలక పాత్రలు పోషించారు. ఆగస్ట్ 9న ఈ సినిమా ప్రేక్షకుల ముందుకు రానుంది.