ఏ వయసులోనైనా రొమాన్స్ చేయొచ్చు.. ముద్దు పెట్టుకోవచ్చు: నాగార్జున ఇంట్రెస్టింగ్ కామెంట్స్

నాకు 30 ఏళ్లు నిండుతాయి

ఈ సినిమా ఆగస్టులోనే విడుదల కాబోతుండడానికి తోడు తన పుట్టినరోజు ఇదే నెలలో ఉండడంపై స్పందించిన నాగ్.. ‘ఆగస్టు నెల నాకు చాలా ఇష్టమైన నెల. మొన్ననే ‘బిగ్ బాస్' ప్రారంభమైంది. 9వ తారీఖున ‘మన్మథుడు 2' రిలీజ్ అవుతుంది. ఈ నెలాఖరికి నాకు 30 ఏళ్లు నిండుతాయి' అని సరదాగా మాట్లాడారు. దీంతో ఫ్యాన్స్ గోల గోల చేశారు.

సినిమా టైటిల్‌పై క్లారిటీ

ఈ సినిమాకు మన్మథుడు 2 అని పెట్టడంపై నాగార్జున క్లారిటీ ఇచ్చారు. ‘ఆ ఒరిజినల్ మన్మథుడుకి ఆడవాళ్లంటే పడదు. మరి ఆ సర్కిల్‌ని ఫినిష్ చేయాలి కదా. అందుకే ‘మన్మథుడు 2'కి ఆడవాళ్లంటే ఇష్టం. అందుకనే ఈ సినిమాకు ఆ టైటిల్ పెట్టాం' అని ఆయన చెప్పుకొచ్చారు.

ఫ్రెంచ్ ఫిల్మ్ ఆధారంగా తీశాం

ఈ సినిమాను ఫ్రెంచ్ ఫిల్మ్ ఆధారంగా తీశామని నాగార్జున మరోసారి స్పష్టం చేశారు. గతంలో మన్మథుడు సినిమాకు సీక్వెల్ అని అంతా అనుకున్నారు. కొద్దిరోజుల క్రితం జరిగిన ట్రైలర్ లాంచ్ ఈవెంట్‌లో దీనిపై క్లారిటీ ఇచ్చిన నాగ్.. మరోసారి దానికి, దీనికి సంబంధం లేదని చెప్పేశారు.

వయసుతో పని లేదు

రొమాన్స్‌కు వయసుతో పని లేదని నాగ్ అన్నారు. దీనిపై మాట్లాడుతూ.. ‘నేను ఒక లవ్‌స్టోరీ చేయడమేంటని చాలా మంది అడిగారు. సంవత్సరం క్రితం ఓ ఫ్రెంచ్ ఫిలింను నాకు చూపించారు. ఇది నా వయసు తగ్గ సినిమా. ఏ వయసులోనైనా ప్రేమించొచ్చు.. ఏ వయసులోనైనా రొమాన్స్ చేయొచ్చు అని చెప్పే సినిమా. అందుకే ఈ సినిమా చేశాను'అని నాగార్జున వివరించారు.

నవ్వుతూనే ఉంటారు

అలాగే, అక్కినేని నాగార్జున చివర్లో తన సినిమా గురించి మాట్లాడారు. ‘మీకు ప్రామిస్ చేస్తున్నాను. ‘మన్మథుడు 2' కుటుంబ సమేతంగా చూడదగిన సినిమా. ప్రారంభం నుంచి చివరి వరకు పొట్ట పట్టుకుని నవ్వుతూనే ఉంటారు' అని ఆయన వెల్లడించారు.