ఫోటోలు: బాలీవుడ్ భారీ చిత్రంలో నాగార్జున.. అందమైన ప్రదేశంలో రణబీర్, అలియాతో కలసి!

బల్గెరియాలో షూటింగ్

ఈ చిత్ర షూటింగ్ ప్రస్తుతం బల్గెరియాలో జరుగుతోంది. అందమైన లొకేషన్ నుంచి చిత్ర యూనిట్ తో ఉన్న ఫోటోలని నాగార్జున ట్విట్టర్ లో షేర్ చేశారు. అయాన్ ముఖర్జీ దర్శకత్వంలో అమితాబ్ బచ్చన్, రణబీర్, అలియా భట్ వంటి నటులతో నటించడం సంతోషంగా ఉందని నాగార్జున ట్వీట్ చేసారు.

స్వాగతం పలికిన కరణ్ జోహార్

ధర్మ ప్రొడక్షన్స్ బ్యానర్ పై ఈ చిత్రాన్ని కరణ్ జోహార్ నిర్మిస్తున్నారు. తమ చిత్రంలో నాగార్జున వంటి నటులు భాగం కావడం చాలా సంతోషంగా ఉందని కరణ్ జోహార్ అన్నారు.

అమలతో కలసి

నాగార్జునతో పాటు అమల కూడా షూటింగ్ లొకేషన్ లో సందడి చేసారు. రణబీర్, దర్శకుడు అయాన్ ముఖర్జీతో, చిత్ర యూనిట్ తో దిగిన ఫోటోలని నాగార్జున షేర్ చేశారు. ప్రస్తుతం ఈ ఫోటోలు వైరల్ గా మారాయి.

సూపర్ హీరో సినిమా

సంజు చిత్ర ప్రమోషన్స్ సమయంలో రణబీర్ ఈ చిత్రం గురించి స్పందించాడు. తాను ఈ చిత్రంలో పోషించే పాత్ర ఆశ్చర్యపరిచే విధంగా ఉంటుందని వివరించాడు. ఇప్పుడే అన్ని విషయాలు వివరించలేనని తెలిపాడు. బాలీవడ్ వర్గాల్లో జరుగుతున్న చర్చ ప్రకారం ఇది సూపర్ హీరో చిత్రం అని అంటున్నారు.