Click it and Unblock the Notifications
నాగ్ ‘భాయ్' లేటెస్ట్ ఇన్ఫో
ఈ షెడ్యూల్ తో షూటింగ్ 50 శాతం పూర్తయింది. ఈ నెల 28 నుంచి హైదరాబాద్లో షెడ్యూల్ మొదలవుతుంది. అన్నపూర్ణ స్టూడియోలో కోటీ యాభై లక్షల రూపాయల భారీ వ్యయంతో నిర్మించిన ఓల్డ్ సిటీ సెట్లో కీలక సన్నివేశాలను తీస్తారు.
జూన్ నెలాఖరుకల్లా చిత్రీకరణ పూర్తి చేసి జూలైలో సినిమా విడుదల చేయడానికి ప్లాన్ చేస్తున్నారు. వీరభద్రం తనదైన శైలిలో మాస్ ఎంటర్టైనర్గా తెరకెక్కిస్తున్న ఈ చిత్రంలో కామ్నాజఠ్మలానీ ఓ కీలక పాత్ర పోషిస్తున్నారు. రామ్గోపాల్వర్మ 'డిపార్ట్మెంట్' ఫేం నథాలియాకౌర్పై ఆ మధ్య ఐటం సాంగ్ చిత్రీకరించారు.
నాగార్జున ఈ చిత్రం గురించి మాట్లాడుతూ....భాయ్ చిత్రం సీరియస్గా వుండే దావుద్ ఇబ్రహీం లాంటి కథ అని భావిస్తున్నారని, కానీ పూర్తి ఎంటర్టైన్మెంట్తో ఈ చిత్రం ఉంటుందని ఆయన వివరించారు. అలాగే'భాయ్' పేరుతో వీరభద్రమ్ చౌదరి దర్శకత్వంలో సినిమా చేస్తున్న సంగతి నిజమే, కాని అది మాఫియా నేపథ్యం కాదు. 'హలో బ్రదర్' సినిమా తరహాలో పూర్తి వినోదాత్మకంగా వుంటుంది. ఇందులో నా పాత్ర 'కింగ్'లో బొట్టు శ్రీనులా వినోదాన్ని పంచుతుంది అన్నారు.
దర్శకుడు వీరభద్రమ్ చౌదరి చిత్ర విశేషాలు తెలియజేస్తూ 'రెండున్నర గంటలు కడుపుబ్బా నవ్వించే చక్కటి హాస్య చిత్రమిది. 'హలో బ్రదర్' తరహాలో నాగార్జున పాత్ర చిత్రణ వుంటుంది. ఇందులో నాగార్జున మాఫియా డాన్ పాత్రను చేస్తున్నట్లు వస్తున్న వార్తల్లో నిజం లేదు. అసలు మాఫియా అనే అంశమే ఈ చిత్రంలో వుండదు. నాగార్జున సంభాషణలు, మేనరిజమ్స్ సరికొత్త పంథాలో వుంటాయి. ఆయన అభిమానుల్ని అలరించే అంశాలన్నీ 'భాయ్'లో వున్నాయి' అన్నారు.
Continue with Google