Don't Miss!
- News ఏపీలో ఇప్పటివరకు భారీగా పట్టుబడిన నగదు, మద్యం, బంగారం.. అత్యధికంగా ఎక్కడంటే
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సెన్సార్ కార్యక్రమాలు పూర్తి చేసుకున్న ‘ఆఫీసర్’
నాగార్జున హీరోగా రామ్ గోపాల్ వర్మ దర్శకత్వంలో తెరకెక్కిన యాక్షన్ క్రైమ్ ఫిల్మ్ 'ఆఫీసర్' సెన్సార్ కార్యక్రమాలను పూర్తి చేసుకుంది. బోర్డు సభ్యులు ఈ మూవీకి U/A సర్టిఫికెట్ జారీ చేశారు. జూన్ 1న ప్రపంచ వ్యాప్తంగా ఈ చిత్రం ప్రేక్షకుల ముందుకు రాబోతోంది.
ఆర్ కంపెనీ ప్రొడక్షన్స్ బేనర్లో రామ్ గోపాల్ వర్మ స్వీయ నిర్మాణ దర్శకత్వంలో రూపొందిన ఈ చిత్రంలో నాగార్జున, మైరా సెరీన్ ముఖ్య పాత్రలు పోషిస్తున్నారు. రవి శంకర్ సంగీత అందించారు. సౌండ్ ఎఫెక్స్ ప్రత్యేక ఆకర్షణగా నిలవనున్నాయి.
చాలా కాలం తర్వాత నాగార్జున ఈ మూవీలో పోలీస్ ఆఫీసర్ పాత్ర పోషించారు. నిజ జీవితంలోని కొన్ని సంఘటనలను ఆధారంగా చేసుకుని ఈ కథ రాసుకున్నట్లు దర్శకుడు తెలిపారు. బాంబేలో ఒక రియల్ ఐపీఎస్ ఆఫీసర్ను కలిసినపుడు ఆయన చెప్పిన ఓ విషయం నుండి ఈ ఆలోచన వచ్చింది. అది నేను డెవలప్ చేసిన వెంటనే నాకు నాగార్జున గుర్తుకు వచ్చాడు. చాలా కాలం తర్వాత అసలైన హీరోయిజం తెరపై చూపిస్తూ 'ఆఫీసర్' చేశాను అని వర్మ తెలిపారు.
ఈ సినిమాకు వందశాతం కమిట్మెంటుతో చేశాను. ఒక హిట్ సినిమాకు చాలా మంది కారణం అవుతారు. ప్లాప్ అయితే డైరెక్టరే కారకుడు. సినిమా అనేది ఒక ఎమోషన్ క్రియేట్ చేస్తుంది. దాన్ని క్రియేట్ చేసే బాధ్యత దర్శకుడిది. ఈ సినిమా ద్వారా నన్ను నేను, ఒక వ్యక్తిగా రీ ఇన్వెంట్ చేసుకున్నట్లు భావిస్తున్నాను. ఈ క్రెడిట్ అంతా నాగార్జునదే అని వర్మ వెల్లడించారు.