Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఇద్దరు లెజెండ్స్.. ఇదో రేర్ ఫోటో: అప్పట్లో ఎన్టీవోడు.. నాగేశ్వరరావు..
Recommended Video
తెలుగు సినీ ఇండస్ట్రీకి ఎన్టీఆర్-ఏఎన్నార్ రెండు మూల స్తంభాల లాంటివారు. చాలాకాలం పాటు తెలుగు సినిమాలను ఈ ఇద్దరే ఏకఛత్రాధిపత్యంగా ఏలారు. ప్రేమ కథలు, సాంఘీక చిత్రాలతో నాగేశ్వరరావు క్లాస్ ఆడియెన్స్కు దగ్గరైతే.. పౌరాణికాలు, పొలిటికల్ సినిమాలతో మాస్ ఆడియెన్స్ కు దగ్గరయ్యారు ఎన్టీఆర్. అడపాదడపా ఇద్దరు కలిసి కొన్ని చిత్రాల్లోనూ నటించారు. అలా ఈ ఇద్దరూ కలిసి నటించిన ఓ చిత్రంలోని ఫోటోను నాగార్జున తాజాగా ట్విట్టర్ లో షేర్ చేశారు.
నాగ్ ట్వీట్.. 'అరుదైన ఫోటో':
'గతానికి సంబంధించి ఇదో బ్లాస్ట్!! లెజెండ్స్ ఎన్టీఆర్&ఏఎన్నార్.. ఆ ఎడమ పక్కన ఉన్నది కేబీఆర్ పార్క్ గోడ, కుడివైపున అన్నపూర్ణ స్టూడియో. మధ్యలో ఆ రోడ్డు ఇప్పుడున్న జూబ్లీ చెక్ పోస్టు వైపు వెళ్లే మార్గం..' అంటూ నాగ్ ట్వీట్ చేశారు. లెజెండ్స్ పేర్లను తలుచుకుంటూ గౌరవసూచకంగా ట్వీట్ లో వారికి నమస్కారం కూడా పెట్టారు నాగ్.
ఎప్పటిదీ ఫోటో:
నాగ్ షేర్ చేసిన ఈ ఫోటో సోషల్ మీడియాలో వైరల్ గా మారింది. అయితే ఈ ఫోటో ఏ సినిమాకు సంబంధించినది? అన్నదానిపై మాత్రం క్లారిటీ లేదు. బహుశా.. 1978లో విడుదలైన 'రామకృష్ణులు' సినిమాకు సంబంధించిన స్టిల్ అయి ఉండవచ్చునని నెటిజెన్స్ అభిప్రాయపడుతున్నారు.
అప్పటికీ.. ఇప్పటికీ..:
ఒకవేళ ఈ ఫోటో 'రామకృష్ణులు' సినిమాకు సంబంధించినదే అయితే.. 30ఏళ్ల క్రితం నాటికి ఇప్పటికీ ఎంత తేడా అనిపించకమానదు. ఒకప్పుడు అంత ఖాళీగా కనిపిస్తున్న ఆ స్థలంలో ఇప్పుడు ఎటూ చూసినా పెద్ద పెద్ద భవనాలే. అప్పటికీ ఇప్పటికీ పరిస్థితులు కూడా చాలా మారిపోయాయి.
నాగేశ్వరరావు కృషిని గుర్తుచేసుకుంటున్నారు:
ఈ ఫోటోను చూశాక.. సినీ ఇండస్ట్రీ చెన్నై నుంచి హైదరాబాద్ రావడంలో నాగేశ్వరరావు చేసిన కృషిని కొంతమందిని ప్రత్యేకంగా గుర్తుచేసుకుంటున్నారు. ఆరోజుల్లో ఆయన ధైర్యం చేసి హైదరాబాద్ రాబట్టే.. ఆ తర్వాత ఒక్కొక్కరుగా చెన్నై నుంచి తరలివచ్చారని గుర్తుచేస్తున్నారు.
పరిశ్రమకు రెండు కళ్లు..:
ఎన్టీఆర్&ఏఎన్నార్ కలయికలోని ఈ రేర్ ఫోటో అభిమానులను విపరీతంగా ఆకట్టుకుంటోంది. ఇలాంటి ఫోటోను షేర్ చేసినందుకు కింగ్ నాగార్జునకు ఫ్యాన్స్ థ్యాంక్స్ చెబుతున్నారు. పరిశ్రమకు రెండు కళ్ల లాంటి ఈ ఇద్దరు అన్నీ వర్గాల మెప్పు పొంది ఆ స్థాయికి ఎదిగారని, వారి స్థానం చరిత్రలో సుస్థిరంగా నిలిచిపోతుందని చెబుతున్నారు.