నాగార్జున ‘బోడి గుండు’ వెనక అసలు స్టోరీ..!

By Bojja Kumar

Published: Monday, January 9, 2012, 18:54 [IST]

టాలీవుడ్ మన్మధుడు నాగార్జున ఇటీవల తిరుమల శ్రీవారిని దర్శించుకుని తలనీలాలు సమర్పించుకుని బోడిగుండు అవతారంలో కనిపించిన విషయం తెలిసిందే. టాలీవుడ్ అగ్రహీరోలందరిలోకెల్లా అందగాడైన నాగార్జునను తొలిసారి గుండుతో చూసి తెలుగు సినీ అభిమానులంతా ఆశ్యర్య పోయారు. అయితే నాగార్జున ఇలా ఉన్నట్టుండి గుండు కొట్టించుకోవడం వెనక చాలా కారణాలున్నాయి. ఇటీవల తాను నటించిన రాజన్న సినిమా ఓ మోస్తరు విజయం సాధించింది. త్వరలో నాగ్ సాయిబాబా పాత్రలో కనిపించబోతున్నాడు.

దేవుడి సినిమా ప్రారంభించే ముందు దైవ దర్శనం చేసుకోవాలనే ఆలోచన, గతంలో శ్రీవారికి పెండింగులో ఉన్న మొక్కలు తీర్చుకోవడంతో పాటు... సాయిబాబా పాత్రకు జుట్టు అవసరం లేదు, గుండు చేయించుకోవడం ద్వారా అందరి దృష్టి తనపై పడటంతో పాటు, తను చేయబోయే షిర్టీ సాయిబాబా సినిమాపై కూడా మంచి ఇంప్రెషన్ పడుతుందని, ఎంతో పవిత్రంగా తాను సాయిబాబా పాత్ర చేయబోతున్నాననే విషయాన్ని అభిమానులకు పరోక్షంగా చెప్పొచ్చు. ఇన్ని కారణాలు దాగి ఉన్నాయి నాగార్జున బోడి గుండు వెనక.

అన్నమయ్య, శ్రీరామదాసు పాత్రలతో తనకు మాత్రమే పరిమితం అయిన స్పెషల్ ఇమేజ్ సొంతం చేసుకున్న నాగార్జున చేయబోయే బాబా పాత్రకు ఇప్పటికే క్రేజ్ వచ్చింది. ఎ ఎమ్ ఆర్ రియల్ ఎస్టేట్ గ్రూప్ వారు రాఘవేంద్రరావు దర్శకత్వంలో ఈ చిత్రాన్ని నిర్మిస్తున్నారు.

More from Filmibeat