'కింగ్'కి కీళ్ళ నొప్పులా!?

రొమాంటిక్ కింగ్ గా తెలుగునాట పేరు తెచ్చుకున్న నాగార్జునకి గత పదిహేనేళ్ళుగా కీళ్ళనొప్పులంటే నమ్మలేకపోతున్నారు అభిమానులు. ప్రముఖ ఆర్ధోపెడిక్ డాక్టర్ చంద్రశేఖర్ సోంపల్లి మీడియాతో మాట్లాడుతూ ఈ కీళ్ళనొప్పి విషయాలు చెప్పుకొచ్చారు. నాగార్జున గతంలో రెండు మోకాళ్ళకు శస్త్ర చికిత్స చేయించుకున్నా కీళ్ళ నొప్పులు తగ్గక పోవడంతో అలాగే బాధ భరిస్తూ గత పదిహేను సంవత్సరాలుగా నటిస్తూ వస్తున్నారని చెప్పారు.

నాలుగు సంవత్సరాల క్రితం అమెరికాలో ఉన్నప్పుడు కీళ్ళ నొప్పులుతో తన దగ్గరకు వచ్చారని,అప్పుడు అన్ని టెస్ట్ లు నిర్వహించి తర్వాత మోకాళ్ళ వద్ద లిగమెంట్ చిరిగిందని,మినిస్సస్ కూడా లేదని తెలియడంతో ఆర్ధోస్కోపీ సర్జరీతో ఏడు గంటల సమయంలో మెనిస్సస్ ట్రాన్స్ ప్లాంట్ చేసి ఎసిఎల్ పునర్నించానని తెలిపారు. చికిత్స జరిగిన సాయింత్రమే నాగార్జున నడవగలిగారని తెలిపారు. సర్జరీని అమెరికాలోని చికాగోలో జరిగిందని చెప్పారు.